بھوپال:06؍جون:(پریس ریلیز) ڈاکٹر کیلاش ناتھ کاٹجو ماتا و شِشو صحت ادارے کی نوڈل آفیسر اور سینٹر ہیڈ ڈاکٹر رچنا دوبے نے بتایا کہ آج مورخہ 5 جون 2026 کو ادارے میں عالمی یومِ ماحولیات کے موقع پر بڑے پیمانے پر شجرکاری کی گئی۔شجرکاری پروگرام کے دوران اسپتال کے احاطے میں سایہ دار، پھل دار اور طبی خصوصیات رکھنے والے پودے لگائے گئے۔
اس موقع پر معزز وزیرِ اعظم جناب نریندر مودی جی کی جانب سے شروع کی گئی مہم “ایک پیڑ ماں کے نام” کے تحت ادارے کے تمام ڈاکٹروں اور ملازمین نے اپنی اپنی ماؤں کے احترام میں ایک ایک پودا لگایا اور اس کی باقاعدہ دیکھ بھال اور حفاظت کا عہد کیا۔ڈاکٹر رچنا دوبے نے بتایا کہ موجودہ دور میں بڑھتی ہوئی آلودگی، درجۂ حرارت میں اضافے اور ماحولیاتی عدم توازن کے پیشِ نظر شجرکاری صرف ایک سماجی ذمہ داری نہیں بلکہ انسانی زندگی کی اہم ضرورت بن چکی ہے۔ کاٹجو اسپتال وہ مقام ہے جہاں روزانہ ہزاروں مریض اور ان کے اہلِ خانہ آتے ہیں۔ ایسے میں سرسبز اور صاف ستھرا ماحول مریضوں کو ذہنی سکون فراہم کرتا ہے اور مثبت توانائی پیدا کرتا ہے۔
درخت اور پودے ماحول میں آکسیجن کی مقدار بڑھا کر صاف ہوا مہیا کرتے ہیں، جس سے مریضوں، نومولود بچوں، حاملہ خواتین اور اسپتال کے عملے کو صحت مند ماحول میسر آتا ہے۔ اس کے علاوہ درخت گرد و غبار، دھوئیں اور مضر گیسوں کو کم کرنے میں مددگار ثابت ہوتے ہیں، جس سے سانس کی بیماریوں میں بھی راحت ملتی ہے۔ڈاکٹر دوبے نے یقین دہانی کراتے ہوئے کہا کہ یہ مہم صرف ایک دن تک محدود نہیں رہے گی بلکہ مستقبل میں بھی مسلسل شجرکاری اور ماحولیاتی تحفظ سے متعلق پروگرام منعقد کیے جاتے رہیں گے، تاکہ آنے والی نسلوں کو صاف، محفوظ اور صحت مند ماحول فراہم کیا جا سکے۔
شجرکاری پروگرام میں ادارے کی نوڈل آفیسر اور سینٹر ہیڈ ڈاکٹر رچنا دوبے، سپرنٹنڈنٹ ڈاکٹر بلرام اپادھیائے، تمام ڈاکٹروں، نرسنگ اسٹاف اور دفتری عملے نے بھرپور جوش و خروش کے ساتھ حصہ لیا۔
