نئی دہلی، 03 فروری (یو این آئی) یہاں امبیڈکر اسٹیڈیم میں ہفتہ کو ڈی ایس اے پریمیئر لیگ میں کھیلے گئے دلچسپ مقابلے میں دفاعی چمپئن واٹیکا ایف سی نے سودیوا ایف سی کو 2-1 سے شکست دے کر ٹائٹل جیتنے کی اپنی امیدیں بڑھا دی ہیں۔ بیجوئے گوسائیں اور پلیئر آف دی میچ نکھل گہلوت نے فاتح کی طرف سے گول کئے۔ سودیوا کا واحد گول زاہد ظہور نے کیا۔ دن کا دوسرا میچ گڑھوال ہیروز ایف سی اور دہلی ایف سی کے درمیان صرف دس منٹ تک کھیلا گیا۔ واٹیکا کی جیت کی خاص بات گہلوت کا جیتنے والا گول تھا۔
اس نے اپنے بائیں پاؤں سے ایک طاقتور گول کیا۔گزشتہ چار میچوں کی طرح دہلی ایف سی نے ایک بار پھر سات کھلاڑیوں کو میدان میں اتارا اور گول کیپر پرناب ڈیکا زخمی ہو کر میدان چھوڑ دیا۔ فی الحال ڈی ایس اے پانچویں میچ میں میدان چھوڑنے والی دہلی ایف سی کے خلاف کوئی کارروائی نہیں کرپائی ہے۔ پریمیئر لیگ کی ابتر حالت دیکھ کر فٹ بال شائقین نے اسٹیڈیم آنا چھوڑ دیا ہے۔ لیکن دہلی فٹ بال کی حالت زار پر کوئی اہلکار کھل کر نہیں بول رہا ہے۔جہاں ایک طرف واٹیکا آہستہ آہستہ اپنے مسلسل دوسرے ٹائٹل کی طرف بڑھ رہی ہے، وہیں سودیوا اور گڑھوال ایف سی دوڑ سے تقریباً باہر ہو چکے ہیں۔ لیکن دہلی ایف سی اپنی نوعیت کا ایک انوکھا ریکارڈ بنانے کی طرف بڑھ رہی ہے۔
