بھوپال:13؍اپریل:آئین کے خالق بابا صاحب ڈاکٹر بھیم راؤ امبیڈکر کی یوم پیدائش اندور میں 14 اپریل کو مکمل عقیدت اور جوش و جذبے کے ساتھ منائی جائے گی۔ ڈاکٹر امبیڈکر نگر مہو میں واقع ان کی جائے پیدائش پر بنے عظیم الشان یادگار پر ایک بڑا اجتماع منعقد ہوگا۔ عقیدت مندوں کے آنے کا سلسلہ مسلسل جاری ہے۔ وزیر اعلیٰ ڈاکٹر موہن یادو اس تقریب میں خصوصی طور پر شامل ہوں گے۔
ہر سال کی طرح اس سال بھی 14 اپریل کو ڈاکٹر امبیڈکر یوم پیدائش جشن کا انعقاد اندور ضلع کے ڈاکٹر امبیڈکر نگر (مہو) میں جوش و جذبے اور عقیدت کے ساتھ کیا جا رہا ہے۔ یوم پیدائش کے جشن میں آنے والےعقیدت مندوں کی مہمانوں کی طرح پذیرائی کی جا رہی ہے۔ زائرین کے لیے رہائش، کھانا، ٹھنڈے مشروبات وغیرہ کی خصوصی انتظامات کی گئی ہیں۔ جائے پیدائش پر بنے یادگار پر خصوصی سجاوٹ کی گئی ہے۔امبیڈکر یوم پیدائش جشن میں مدھیہ پردیش سمیت دیگر ریاستوں سے بڑی تعداد میں زائرین آ رہے ہیں۔عقیدت مندوںکے آمد کا سلسلہ 12 اپریل کی شام سے شروع ہو چکا ہے۔ زائرین کے کھانے کا انتظام سوارج مندر احاطے میں کیا گیا ہے۔ یہ کھانے کی سہولت 14 اپریل کی شام تک جاری رہے گی۔ بھنتوں کے کھانے کے انتظامات مہیشوری اسکول میںکئے گئے ہیں اور ان کی رہائش بھی مہیشوری اسکول میں ہے۔ عقیدت مندوں کی سہولت کے لیے مناسب تعداد میں عارضی باتھرومز بھی بنائے گئے ہیں۔ پانی کی سہولت کے لیے مختلف مقامات پر پیاؤ بنائے گئے ہیں۔
امبیڈکر یوم پیدائش کے دوران آنے والے زائرین کے رہنے کے لیے دھرمشالوں، کینٹ بورڈ ہائر سیکنڈری اسکول اور کینٹ بورڈ کنیا اسکول میں انتظامات کیے گئے ہیں۔ اس کے علاوہ تین بڑے ڈوم بھی قیام کے لیے بنائے گئے ہیں۔
