گیرونا (اسپین) 16 ستمبر (یو این آئی) لامین یامل کے دو گول کی بدولت بارسلونا نے ہسپانوی لا لیگا میں فٹبال کلب گیرونا کو 4-1 سے شکست دے دی ہے۔ اس کے ساتھ ٹورنامنٹ میں یہ ان کی مسلسل پانچویں جیت ہے۔ اتوار کو کھیلے گئے میچ میں یامل نے پہلے ہاف کے 30ویں اور 37ویں منٹ میں گول کر کے بارسلونا کو برتری دلا دی۔ وقفے کے فوراً بعد دانی اولمو نے گول کر کے اپنی ٹیم کی برتری 3-0 کر دی۔ پیڈری نے بارسلونا کے لیے چوتھا گول 64ویں منٹ میں کیا۔ گیرونا کے لیے 80ویں منٹ میں متبادل کھلاڑی کرسٹیان اسٹوانی نے تسلی بخش گول کیا۔ کھیل کے اختتام سے چھ منٹ قبل فارورڈ فیران ٹوریس کو یاسر اسپریلا پر خراب اسٹینڈ اپ چیلنج پر ریڈ کارڈ دکھایا گیا اور بارسلونا کو 10 کھلاڑیوں کے ساتھ کھیلنا پڑا۔ اس جیت کے ساتھ بارسلونا 15 پوائنٹس کے ساتھ لا لیگا میں سرفہرست ہے، جو ریال میڈرڈ اور ولاریال سے چار پوائنٹس آگے ہے جبکہ گیرونا سات پوائنٹس کے ساتھ ساتویں نمبر پر ہے۔
