احمدآباد:22؍مئی:راجستھان رائلز (RR) نے IPL ایلیمینیٹر میں رائل چیلنجرز بنگلور (RCB) کو 4 وکٹوں سے شکست دے کر کوالیفائر 2 میں جگہ بنا لی ہے۔ راجستھان اب 24 مئی کو کوالیفائر-2 میں سن رائزرس حیدرآباد سے ٹکرائے گا، میچ چنئی میں ہوگا۔احمد آباد میں راجستھان نے ٹاس جیت کر گیند بازی کا انتخاب کیا۔ بنگلورو نے مقررہ 20 اوورز میں 8 وکٹوں پر 172 رنز بنائے۔ راجستھان نے ہدف 19 اوور میں 6 وکٹوں کے نقصان پر حاصل کر لیا۔ روومین پاول نے چھکا لگا کر ٹیم کو جیت دلائی۔راجستھان کے لیے یشسوی جیسوال نے سب سے زیادہ 45 رنز بنائے۔ ریان پیراگ 36 رنز بنانے کے بعد آؤٹ ہوئے اور شمرون ہیٹمائر 26 رنز بنانے کے بعد آؤٹ ہوئے۔ کیمرون گرین، کرن شرما اور لوکی فرگوسن نے ایک ایک وکٹ حاصل کی۔آر سی بی کی جانب سے رجت پاٹیدار نے 34 اور ویرات کوہلی نے 33 رنز بنائے۔ کوہلی نے آئی پی ایل میں 8 ہزار رنز مکمل کر لیے ہیں۔ وہ لیگ کے ٹاپ اسکورر ہیں۔ اویش خان نے 3 وکٹیں حاصل کیں۔
راجستھان نے 18ویں اوور میں 5واں وکٹ کھو دیاتھا۔ یہاں ریان پراگ 36 رنز بنانے کے بعد آؤٹ ہوئے۔ انہیں محمد سراج نے بولڈ کیا۔16واں اوور کرانے آئے کیمرون گرین نے 17 رنز خرچ کیے۔ پیراگ اور ہیٹمائر کی جوڑی نے گرین کے اوور میں دو چھکے اور ایک چوکا لگایا۔
اس اوور کے بعد راجستھان کا اسکور 143/4 تھا۔راجستھان نے چوتھا وکٹ 14ویں اوور میں کھو دیا۔ یہاں دھرو جریل (8 رنز) رن آؤٹ ہوئے۔ وہ ویرات کوہلی کے ایک تھرو پر کیمرون گرین کے ہاتھوں رن آؤٹ ہوئے۔راجستھان نے 11ویں اوور میں تیسرا وکٹ کھو دیا۔ یہاں کپتان سنجو سیمسن 17 رنز بنانے کے بعد آؤٹ ہوئے۔ وہ کرن شرما کی گیند پر وکٹ کیپر دنیش کارتک کے ہاتھوں اسٹمپ ہوئے۔ کارتک نے آخری اوور میں یشسوی جیسوال کا کیچ بھی لیا۔ اس اوور کے بعد راجستھان کا اسکور 96/3 تھا۔
