نئی دہلی، 22 مئی (یو این آئی) نہرو اسٹیڈیم میں کھیلے جارہے اے ڈویژن کے میچوں میں نوئیڈا ایف سی نے پلیئر آف دی میچ منیش سویل کے گول سے گڑھوال یونائیٹڈ کو شکست دی۔ دوسرے میچ میں ینگ بوائز نے وارئیرز کو 2-2 گول سے برابر کر دیا اور پوائنٹس تقسیم کئے۔واریئرز کی جانب سے لال جامراویا اور موہن نے گول کیے جبکہ ینگ بوائز کی جانب سے دونوں گول موئرنگڈم نے کیے ۔ونود نگر گراؤنڈ میں کھیلے گئے سینئر ڈویژن ریلیگیشن راؤنڈ کے میچوں میں جیگوار ایف سی نے گڑھوال ڈائمنڈ کو گول صفر سے برابر کر دیا اور پوائنٹس تقسیم کیے۔ دونوں ٹیموں نے آسان مواقع پر کمزور نشانے لگا کر گول کرنے کے مواقع ضائع کیے اور پوائنٹس کی تقسیم کی۔ ایک اور میچ میں سٹی ایف سی نے نجب المولی کے ایک گول سے اتراکھنڈ ایف سی کو شکست دے کر مہم کا آغاز کیا۔اس دوران دہلی ٹائیگرز کے ریلیگیشن راؤنڈ سے دستبردار ہونے کی وجہ سے مقابلہ چار ٹیموں کے درمیان رہ گیا ہے۔ فی الحال سٹی تین پوائنٹس کے ساتھ پہلے نمبر پر ہے جبکہ گڑھوال ڈائمنڈ، جیگوار اور اتراکھنڈ دوڑ میں شامل ہیں۔
