بینگلورو:15؍اپریل:دفاعی چیمپئن رائل چیلنجرز بنگلورو نے آئی پی ایل کے رواں سیزن میں اپنی چوتھی جیت حاصل کی ہے۔ ٹیم نے بدھ کو لکھنؤ سپر جائنٹس کو 5 وکٹوں سے ہرا دیا۔
بنگلورو نے اپنے ہوم گراونڈ پر 147 رن کا ہدف 15.1 اوورز میں 5 وکٹوں کے نقصان پر حاصل کر لیا۔ جبکہ لکھنؤ 20 اوورز میں 146 رن پر آل آؤٹ ہو گئی۔اس میچ میں کوئی بھی کھلاڑی نصف سنچری بنانے میں کامیاب نہیں ہو سکا۔ سب سے زیادہ رن ویراٹ کوہلی (49 رن) نے بنائے۔ وہ ایک رن سے ففٹی مکمل کرنے سے رہ گئے۔ راجت پٹیدار نے 27 اور جتیش شرما نے 23 رن بنائے۔اس سے پہلے ٹاس جیت کر گیندبازی کرنے والی بنگلورو کی جانب سے راسخ سلام نے 4 وکٹیں حاصل کیں۔ بھونیشور کمار نے 3 اور کرنل پانڈیا نے 2 وکٹیں حاصل کیں۔ لکھنؤ کی جانب سے مچل مارش نے 40 رن بنائے۔
بنگلورو کی ٹیم اس وقت موجودہ سیزن کی پوائنٹس ٹیبل پر ٹاپ پر پہنچ گئی ہے۔ ٹیم کے کھاتے میں 8 پوائنٹس ہیں۔ جبکہ لکھنؤ کی ٹیم اپنی تیسری ہار کے بعد 7ویں مقام پر ہے اور اس کے پاس 4 پوائنٹس ہیں۔
