بھوپال 14 فروری:وزیر اعلیٰ ڈاکٹر موہن یادو نے کہا کہ بہنیں مدھیہ پردیش کی لکشمی ہیں اور اناپورنا ہیں، ان کے لیے جتنا کریں،اتنا کم ہے ۔ وزیر اعظم مسٹرنریندر مودی کی قیادت میں ریاستی حکومت خواتین کی بہبود کے لیے ہمیشہ پابند عہد ہے۔ سناتن تہذیب میں خواتین کو ایک اہم مقام حاصل ہے۔ مہا شیو راتری کے مبارک تہوار سے پہلے، ریاست کی لاڈلی بہنوں کو 1,500 روپے کے اعزازی رقم کی شاندار سوغات مل رہی ہے۔ بہنوں معاشی طور پر بااختیار بنانے کے لیے حکومت کے خزانہ میں کوئی کمی نہیں ہے ۔ ریاستی حکومت بہنوںکی فلاح و بہبود کے لیے ہر قدم پر ان کے ساتھ کھڑی ہے۔ وزیر اعلیٰ ڈاکٹر یادو نے کہا کہ کسان بہبود سال میں ہماری ترجیحات ہیں کہ بہنوں کو تربیت ملے، انہیں خودا مداد ی گروپوں سے جوڑاجائے اور محنت کی صحیح قیمت ملے ۔ بہنیں ایک بغیا ماں کے نام اسکیم اور خود امدادی گروپوں سے جڑ کر اپنی آمدنی میں اضافہ کر رہی ہیں۔ ہماری بہنیںلکھ پتی دیدی کے ساتھ اب ڈرون دیدی بھی بن رہی ہیں۔ انہوں نے کہا کہ ریاست میں کام کرنے والے 5لاکھ خود امدادی گروپس کے ذریعہ اب تک 62لاکھ بہنیں خود انحصار بن چکی ہیں۔وزیراعلیٰ ڈاکٹر یادو سنیچرکو لاڈلی بہنوںکو اسکیم کی 33 ویں قسط کی سوغات دینے کے بعد کھنڈوا ضلع کے پندھانامیں عوام سے خطاب کررہے تھے۔ وزیراعلیٰ ڈاکٹر یاد نے سنکل کلک سے ریاست کی 1.25 کروڑ سے زیادہ لاڈلی بہنوںکے کھاتوں میں 1,836 کروڑ روپے منتقل کئے۔ اس اسکیم کے تحت لاڈلی بہنوںکو اب تک 52,304 کروڑ روپے تقسیم کیے جا چکے ہیں۔ وزیر اعلیٰ ڈاکٹر یادو نے کنیا پوجن (لڑکیوں کی پوجا) کے بعد چراغ روشن کر کے پروگرام کا افتتاح کیا اور لاڈلی بہنوں پر پھول نچھاور کر کے ریاست کی فلاح و بہبود کے لیے ان سے آشیرواد حاصل کیا۔
اس موقع پر وزیر اعلیٰ ڈاکٹر یادو نے کھنڈوا کی ہمہ جہت ترقی کے لیے 608 کروڑ روپے سے زیادہ کے 13 ترقیاتی کاموںکا سنگ بنیادرکھا اور افتتاح کیا۔ اس میں 255 کروڑ مالیت کے ترقیاتی کاموںکاسنگ بنیاد اور اور 353.82 کروڑ کے 11 ترقیاتی کاموںکا افتتاح شامل ہے۔ وزیر اعلیٰ ڈاکٹر یادو نے کھنڈوا ضلع میں بھم 301 کروڑ روپے لاگت کے تیار بھام آبپاشی پروجیکٹ، آیوشمان آروگیہ مندر، لیبارٹری اور پاندھانا کے نئے سرکاری ساندیپنی اسکول کا افتتاح بھی کیا ۔وزیر اعلیٰ ڈاکٹر یادو نے کہا کہ ہندوستانی تہذیب خواتین پر مرکوز ہے۔گھر میں ماؤں اور بہنوں کے ہاتھ میں پیسہ آئے ، تو وہ اسے خاندان کی بھلائی میں لگاتی ہیں۔ ہماری حکومت خواتین کی زندگیوں کو بدلنے کے لیے مسلسل کام کر رہی ہے۔ ریاستی حکومت کپاس پر مبنی صنعتوں میں کام کرنے والی خواتین کو ماہانہ 5,000 روپے اضافی فراہم کرے گی۔ انہوں نے مزید کہا کہ وزیر اعلیٰ کنیا دان یوجنا کے تحت غریب اور ضرورت مند خاندانوں کی بیٹیوں کی شادی کی جا رہی ہے۔ اجتماعی کنیادان یوجنا میں 55,000 روپے فی جوڑا رقم دی جاتی ہے ۔ سناتن تہذیب کی 16 رسومات میں سے شادی سب سے اہم رسم ہے۔ یہ خاندان کے اندر لافانی ہونے کی رسم ہے۔ وزیر اعلیٰ ڈاکٹر یادو نے کہا کہ ریاستی حکومت اہل مستحق خاندانوں کی بیٹیوں کے لیے مفت کوچنگ کا انتظام کر رہی ہے، تاکہ وہ تعلیم حاصل کر کے ریاست اور خاندان کا نام روشن کر سکیں۔ انہوں نے کہا کہ پردھان منتری اججولا گیس اسکیم کے تحت ریاست کی 25 لاکھ بہنوںکو 111 کروڑ روپے کی رقم مسلسل بھیجی جا رہی ہے۔ پردھان منتری ماترو وندنا یوجنا کے تحت، ریاست میں 7 لاکھ سے زیادہ مستفید بہنوںکو 385 کروڑ روپے کی رقم دی گئی ہے۔
فیروز پور میں 22 کلو ہیروئن اور اسلحہ برآمد
فیروز پور، 14 فروری (یو این آئی) پنجاب کے فیروز پور پولیس نے ہفتہ کو منشیات کے ایک ریکیٹ کا پردہ فاش کرتے ہوئے چار ملزمین کو گرفتار کرلیا۔ ڈائریکٹر جنرل آف پولیس گورو یادو نے بتایا کہ ملزم سے 22 کلو 295 گرام ہیروئن، دو گلوک پستول مع میگزین اور کارتوس، ایک کار اور 2.05 لاکھ روپے منشیات کی رقم برآمد کی گئی ہے۔ معاملہ درج کر کے مزید تفتیش جاری ہے۔
