راجکوٹ:14؍جنوری :ڈیرل مچل نے 96 گیندوں پر اپنی سنچری مکمل کی اور 117 گیندوں پر ناقابلِ شکست 131 رنز کی شاندار اننگز کھیلی۔نیوزی لینڈ نے ون ڈے سیریز کے دوسرے میچ میں بھارتی ٹیم کو 7 وکٹ سے ہرا دیا۔ بدھ کے روز کیویز نے 285 رنز کا ہدف 47.3 اوورز میں 3 وکٹ کے نقصان پر حاصل کر لیا۔ یہ بھارت میں ون ڈے کرکٹ میں نیوزی لینڈ کا سب سے بڑا رن چیز (تعاقب) ہے۔
ڈیرل مچل نے چوکا لگا کر ٹیم کو فتح دلائی۔ انہوں نے 117 گیندوں پر ناقابلِ شکست 131 رنز بنائے، جس میں 11 چوکے اور 2 چھکے شامل تھے۔ ان کے علاوہ ول ینگ نے 87 رنز کی اہم اننگز کھیلی۔
راجکوٹ کے نرنجن شاہ اسٹیڈیم میں نیوزی لینڈ نے ٹاس جیت کر پہلے بولنگ کا فیصلہ کیا۔ بھارت نے 50 اوورز میں 7 وکٹ کے نقصان پر 284 رنز بنائے۔ کے ایل راہل نے 92 گیندوں پر ناقابلِ شکست 112 رنز کی اننگز کھیلی اور اپنے ون ڈے کیریئر کی آٹھویں سنچری مکمل کی۔ کپتان شبھمن گل نے 56، روہت شرما نے 24 اور وراٹ کوہلی نے 23 رنز بنائے۔ نیوزی لینڈ کی جانب سے کرسچین کلارک نے 3 وکٹ حاصل کیے۔
اس میچ کے بعد تین میچوں کی ون ڈے سیریز 1-1 سے برابر ہو گئی ہے۔ سیریز کا آخری اور فیصلہ کن میچ 18 جنوری کو اندور کے ہولکر اسٹیڈیم میں کھیلا جائے گا۔
قبل ازیں اسٹار بلے باز کے ایل راہل کی شاندار سنچری اور کپتان شبھمن گل کی نصف سنچری کی بدولت ہندوستان نے نیوزی لینڈ کے خلاف دوسرے ون ڈے میچ میں مقررہ 50 اوورز میں 7 وکٹوں کے نقصان پر 284 رنز بنا لیے ہیں۔ ہندوستانی اننگز کی خاص بات کے ایل راہل کی ذمہ دارانہ بیٹنگ رہی۔ انہوں نے پانچویں نمبر پر بیٹنگ کرتے ہوئے صرف 92 گیندوں پر 112 رنز کی ناقابلِ شکست اننگز کھیلی۔ ان کی اننگز میں 11 دلکش چوکے اور ایک بلند و بالا چھکا شامل تھا۔ یہ راہل کی ون ڈے کرکٹ میں آٹھواں سنچری ہے۔ انہوں نے رویندر جڈيجہ کے ساتھ 88 گیندوں میں 73 رنز، نیتیش کمار ریڈی کے ساتھ 49 گیندوں میں 57 رنز اور محمد سراج کے ساتھ 16 گیندوں میں 28 رنز کی شراکت داری کر کے ہندوستان کے اسکور کو استحکام بخشا۔
میچ کے آغاز میں نیوزی لینڈ نے ٹاس جیت کر پہلے بولنگ کرنے کا فیصلہ کیا۔ بیٹنگ کے لیے آنے والے شبھمن گل اور روہت شرما نے شاندار شروعات کی اور پہلے وکٹ کے لیے 70 رنز جوڑے۔ 13ویں اوور میں کریسٹین کلارک نے روہت شرما کو آؤٹ کر کے نیوزی لینڈ کو پہلی کامیابی دلائی۔ روہت نے 38 گیندوں میں 24 رنز بنائے۔17ویں اوور میں کائل جیمیسن نے شبھمن گل کو آؤٹ کر کے ہندوستان کو بڑا دھچکا دیا۔ شبمن گل نے 53 گیندوں میں 9 چوکے اور ایک چھکا لگا کر 56 رنز کی اننگز کھیلی۔اس کے بعد شریاس ایئر اور ویراٹ کوہلی کو بھی کلارک نے آؤٹ کیا۔ ویراٹ نے 29 گیندوں میں 23 رنز بنائے جبکہ ایئر 17 گیندوں میں 8 رنز بنا کر آؤٹ ہوئے۔
دو وکٹیں جلدی گرنے کے بعد ہندوستانی ٹیم کو کے ایل راہل اور رویندر جڈيجہ کی جوڑی نے سہارا دیا۔ دونوں نے پانچویں وکٹ کے لیے 73 رنز کی شراکت داری کی۔ 39ویں اوور میں مائیکل بروسویل نے جڈيجہ کو آؤٹ کر کے اس شراکت کا اختتام کیا۔ جڈيجہ نے 44 گیندوں میں 27 رنز بنائے۔نیٹیش کمار ریڈی نے 21 گیندوں میں 20 رنز بنائے اور ہرشیت رانا 2 رنز بنا کر آؤٹ ہوئے۔ ہندوستان نے مقررہ 50 اوورز میں 7 وکٹوں کے نقصان پر 284 رنز بنائے۔نیوزی لینڈ کے لیے کریسٹین کلارک نے 3 وکٹیں حاصل کیں، جبکہ کائل جیمیسن، جیکیری فاکس، جیڈن لینوکس اور مائیکل بروسویل نے ایک ایک وکٹ حاصل کی۔
