لکھنؤ، 21 اگست (یواین آئی ) جی ایم آر اسپورٹس کی ملکیت والی ٹیم یو۔پی۔ یودھاز نے آج لکھنؤ میں منعقدہ جرسی کی نقاب کشائی سے متعلق تقریب میں آئندہ پرو کبڈی لیگ سیزن 12 کے لیے اپنی نئی جرسی پیش کی۔یودھاز نے ایک بار پھر جی ایم آر اسپورٹس کے بنیادی فلسفے کو دہراتے ہوئے کہا — صلاحیت کو نکھارنا، نوجوانوں کو آگے بڑھانا اور طویل مدتی بہترین کارکردگی کے وژن کے ساتھ ٹیموں کو فروغ دینا۔ اسی فلسفے کے تحت ٹیم نے سُمِت سانگوان کو کپتان اور آشو سنگھ کو نائب کپتان مقرر کیا ہے، جو دونوں سیزن 7 سے اس فرنچائز سے وابستہ ہیں۔جی ایم آر اسپورٹس کے سی ای او ستیم تریویدی نے کہا: “ہمیشہ سے ہمارا مقصد ٹیم میں تسلسل اور مثبت ماحول قائم رکھنا رہا ہے۔ ہم نوجوان صلاحیتوں کو مواقع دینے اور طویل مدتی وژن کے ساتھ ٹیم بنانے پر یقین رکھتے ہیں۔ جیسے ہی یو۔پی۔ یودھاز نیا سیزن کھیلنے جا رہی ہے، ہم اسی مثبت سوچ اور اپنی اٹل وابستگی کو آگے بڑھاتے رہیں گے۔”
