ینگون، 10 اگست (یو این آئی) ہندوستانی فٹ بال ٹیم نے اتوار کو اے ایف سی انڈر 20 ویمنز ایشیا کپ 2026 کوالیفائر گروپ ڈی کے اپنے تیسرے اور آخری میچ میں میزبان میانمار کو 1-0 سے شکست دے کر اے ایف سی انڈر 20 ویمنز ایشیا کپ 2026 کے لیے کوالیفائی کر لیا۔ینگون کے تھووننا اسٹیڈیم میں کھیلے گئے میچ میں ہندوستانی ٹیم کی پوجا نے 27ویں منٹ میں میچ کا واحد گول کرکے اپنی ٹیم کی جیت کو یقینی بنایا، جس سے ہندوستان گروپ ڈی میں سرفہرست مقام پر پہنچ گیا اور تھائی لینڈ میں ہونے والے اے ایف سی انڈر 20 ویمنز ایشین کپ 2026 ٹورنامنٹ میں جگہ بنالی۔ ہندوستان نے آخری بار جونیئر اے ایف سی خواتین ایشیا کپ 2006 میں کھیلا تھا، جب یہ انڈر 19 عمر کے گروپ کے لیے تھا۔ یہ دو دہائیوں کے بعد ہے کہ ہندوستانی انڈر 20 ٹیم نے ٹورنامنٹ میں جگہ بنائی ہے۔غور طلب ہے کہ ہندوستانی سینئر خواتین کی فٹ بال ٹیم نے گزشتہ ماہ اے ایف سی خواتین ایشیا کپ 2026 کے لیے بھی کوالیفائی کیا تھا۔
