بھوپال:26؍جولائی:نائب وزیراعلیٰ مسٹر جگدیش دیوڑا نے کہا کہ بڑے شہر اور شہر ہی نہیں بلکہ قبائلی علاقوں کی ہمہ گیر ترقی کیلئے ڈاکٹر موہن یادو کی سرکار پرعزم ہے ۔ نائب وزیراعلیٰ مسٹر دیوڑا نے کہا کہ ہماری حکومت اس بات کو یقینی بنانے کے لئے دن رات کام کر رہی ہے کہ ہر شخص کو صاف پانی، بہتر نقل و حمل، بلاتعطل بجلی کی فراہمی اور عام لوگوں کے لئے بنیادی سہولیات کی کوئی کمی نہ رہے۔نائب وزیراعلیٰ مسٹر جگدیش دیوڑا نے سنیچرکو اپنی رہائش گاہ پر منڈلا ضلع کے بلاک بچھیاکی منتخب وارڈ پنچ اور سرپنچ خواتین سے خطاب کرتے ہوئے یہ بات کہی۔
بلاک بچھیاکی قبائلی طبقہ کی خواتین نمائندوں نے نائب وزیراعلیٰ مسٹر دیوڑاکو اپنا تعارف کرایا اور مختلف موضوعات پر تبادلہ خیال کیا۔
نائب وزیراعلیٰ مسٹر دیوڑا سے بچھیا ترقیاتی بلاک سے آئیں منتخب خواتین وارڈ پنچ اور سرپنچوں کے خواتین نمائندوں کے ذریعہ اپنے گائووں کی زمینی جانکاری کو ان کے سامنے رکھا۔ خواتین نمائندوں نے بتایاکہ کانہا نیشنل پارک کے آس پاس کے علاقہ سے آتی ہیں،جہاں انصرام کے بار بار اٹھتے خدشات نے لوگوں میں ڈر کا ماحول بنادیاہے۔ انہوںنے کہاکہ ’’ ہم اپنے گائوں نہیں چھوڑنا چاہتے ‘‘ ۔ نائب وزیراعلیٰ نے یقین دلایاکہ انصرام کو لے کر ایسا کوئی مسودہ فی الحال نہیں ہے اور آپ کو اور علاقہ کے باشندگان کو بالکل بھی گھبرانے اور فکر کرنے کی ضرورت نہیں ہے۔
بات چیت کے دوران خواتین نمائندوں نے جنگلات میں پھیلنے والے لینٹانا جیسی ناگوار جھاڑیوں کا مسئلہ بھی اٹھایا۔ انہوں نے بتایا کہ ایک لینٹاناجہاں ایک جانب دیگر پودوں کو تباہ کر رہا ہے تو دوسری جانب یہ جنگلی جانوروںکے گائووں کی اور بڑھتے معاملات اور جنگلاتی مصنوعات پر انحصار کرنے والی آمدنی میں کمی بھی ہو رہی ہے۔نائب وزیراعلیٰ مسٹر دیوڑانے اس مسئلہ کو سنجیدگی سے سنا اور افسران کو فوری حل کی ہدایت دی۔
قبائلی خواتین کے نمائندوں سے ملاقات کے دوران مسٹر دیوڑا جذباتی ہو گئیں۔ انہوں نے کہا کہ وہ خود ایک چھوٹے کسان کے بیٹے ہیں اور آج ان خواتین لیڈروں کو دیکھ کر انہیں اپنی سیاسی زندگی کے آغاز کے دن یاد آ گئے۔ اس جذباتی بات چیت کے اختتام پر، خواتین نمائندوں نے انہیں منڈلا میں ماں نرمداکے درشن اور سبھی کے ساتھ ایک دن کی بات چیت کے لیے منڈلا آنے کی دعوت بھی دی، جسے نائب وزیر اعلیٰ مسٹر دیوڑانے قبول کر لیا۔ اس پروگرام کا اہتمام فاؤنڈیشن فار ایکولوجیکل سیکیورٹی انسٹی ٹیوٹ نے کیا تھا۔ اس موقع پر گجرات ہیڈ آفس بھوپال اور منڈلا آفس کے افسران موجود تھے۔
