لیما، 22 اپریل (یو این آئی) ہندوستانی نشانے بازوں نے آئی ایس ایس ایف ورلڈ کپ میں دو طلائی، چار چاندی اور ایک کانسی کے تمغے سمیت کل سات تمغے جیتے۔ ہندوستانی نشانے باز سمرن پریت کور براڑ نے خواتین کے 25 میٹر پسٹل مقابلے میں چاندی کے ساتھ اپنا پہلا سینئر بین الاقوامی تمغہ جیتا جب کہ پیرس اولمپکس میں ڈبل تمغہ جیتنے والی منو بھاکر پیر کو ٹورنامنٹ میں 22 ہٹس کے ساتھ چوتھے نمبر پر رہیں اورمیڈل سے محروم رہ گئیں۔ شوٹنگ فائنل میں سمرن پریت 33 ہٹ کے ساتھ دوسرا مقام حاصل کیا۔ چین کی سن یوجی نے 34 ہٹس کے ساتھ طلائی اور یاؤکیانشن نے 29 ہٹس کے ساتھ کانسی کا تمغہ جیتا۔ منو بھاکر 585 کے اسکور کے ساتھ کوالیفکیشن میں دوسرے نمبر پر رہیں۔ سمرن پریت نے 580 کے ساتھ پانچواں اور ایشا سنگھ نے 575 کے ساتھ آٹھواں مقام حاصل کیا۔ جبکہ ایشا سنگھ 17 ہٹس کے ساتھ چھٹے نمبر پر رہیں۔سوربھ چودھری/سروچی سنگھ نے 10 میٹر ایئر پسٹل مکسڈ ٹیم نے طلائی، سروچی سنگھ خواتین کے 10 میٹر ایئر پسٹل میں طلائی، منو بھکر نے خواتین کے 10 میٹر ایئر پسٹل میں چاندی، سمرن پریت کور نے خواتین کے 25 میٹر پسٹل میں چاندی، رودراکش پاٹل/آریہ بورسے نے 10 میٹر ایئررائفل مکسڈ ٹیم نے چاندی، ارجن بابوتا نے مینز 10 میٹر ایئر رائفل میں چاندی اور سوربھ چودھری نے مینز 10 میٹر ایئر پسٹل میں کانسی کا تمغہ جیتا۔ آئی ایس ایس ایف ورلڈ کپ میں ہندوستان نے دو طلائی، چار چاندی اور ایک کانسی کے تمغے کے ساتھ تمغوں کی تعداد میں تیسرا مقام حاصل کیا۔ ٹورنامنٹ میں چین پہلے اور امریکہ دوسرے نمبر پر رہا۔ قابل ذکر ہے کہ ارجنٹینا کے بیونس آئرس میں منعقدہ پہلے ورلڈ کپ میں ہندوستان نے آٹھ تمغے جیتے تھے۔
