ممبئی، 20 مارچ (یو این آئی) نیوزی لینڈ کو شکست دے کر چیمپئنز ٹرافی کا خطاب جیتنے والی ہندوستانی مرد ٹیم کوہندوستانی کرکٹ کنٹرول بورڈ (بی سی سی آئی) نے 58 کروڑ روپے کے نقد انعام کا اعلان کیا ہے۔
بی سی سی آئی کی جانب سے اعلان کردہ یہ انعامی رقم ہندوستانی کرکٹ ٹیم کے کھلاڑیوں، کوچنگ، سپورٹ اسٹاف اور اجیت اگرکر کی سربراہی والی سلیکشن کمیٹی میں تقسیم کی جائے گی۔بی سی سی آئی کے صدر راجر بنی نے ہندوستانی ٹیم کے لیے ایوارڈ کا اعلان کرتے ہوئے کہا ’’مسلسل آئی سی سی خطاب جیتنا خاص ہے اور یہ ایوارڈ عالمی سطح پر ہندوستانی ٹیم کی لگن اور عمدگی کی عکاسی کرتا ہے۔‘‘ انہوں نے کہا کہ نقد انعام پردے کے پیچھے ہر کسی کی سخت محنت کا اعتراف ہے۔ یہ آئی سی سی انڈر -19 خاتون ورلڈ کپ جیت کے ب عد 2025 میں ہماری دوسری آئی سی سی ٹرافی ہے اور یہ ہمارے ملک میں موجود مضبوط کرکٹ ایکو سسٹم کو اجاگر کرتا ہے۔واضح ر ہے کہ 9 مارچ کو دبئی میں کھیلے گئے چیمپئنز ٹرافی کے خطابی میچ میں ہندوستان نے نیوزی لینڈ کو چار وکٹوں سے شکست دی تھی۔
