نئی دہلی، 10 مارچ (یو این آئی) ہاکی انڈیا سال 2024 میں بہترین کارکردگی کا مظاہرہ کرنے والے آٹھ زمروں کے مردوں اور خواتین کیٹگریز کے کھلاڑیوں کو ہفتہ کے روز اعزاز سے نوازے گا۔ ہاکی انڈیا نے پیر کو یہ اطلاع دی۔ ہاکی انڈیا ساتویں سالانہ ایوارڈز کے لیے آٹھ زمروں کے 32 کھلاڑیوں کو 12 کروڑ روپے کی انعامی رقم پیش کرے گا۔ 15 مارچ کو ہونے والے پروگرام میں کھلاڑیوں کو انعامات سے نوازا جائے گا۔ ہاکی انڈیا کے سالانہ ایوارڈز 2024 کے لیے نامزد کردہ کھلاڑی اس طرح ہیں:- ہاکی انڈیا بلجیت سنگھ ایوارڈ2024 کے گول کیپر کے لئے بیچو دیوی کھاریبام، کرشن بہادر پاٹھک، پی آر سریجیش اور سویتا کو نامزد کیا گیا ہے۔ ہاکی انڈیا پرگٹ سنگھ ایوارڈ برائے سال 2023 کے ڈیفنڈر کے لئے سنجے، امت روہیداس، ہرمن پریت سنگھ اور ادیتا کو۔ ہاکی انڈیا اجیت پال سنگھ ایوارڈ برائے مڈفیلڈر آف دی ایئر 2024 جرمن پریت سنگھ، ہاردک سنگھ، نیلکانتا شرما، اور سمت ۔ہاکی انڈیا کا دھنراج پلے ایوارڈ برائے فارورڈ آف دی ایئر 2024 لالریمسیامی، ابھیشیک، سکھجیت سنگھ اور نونیت کور کے لیے۔ ہاکی انڈیا اسونتا لاکرا ایوارڈ برائے ایمرجنگ پلیئر آف دی ایئر (خواتین – 21 سال سے کم عمر) بیوٹی ڈنگ ڈنگ، دیپیکا، ویشنوی وٹھل پھالکے اور سنیلیتا ٹوپو۔ ہاکی انڈیا جوگراج سنگھ ایوارڈ (مرد – انڈر 21) ارشدیپ سنگھ، امیر علی، شردانند تیواری اور اریجیت سنگھ ہندل۔ بہترین خواتین کھلاڑی کے لئے ہاکی انڈیا بلبیر سنگھ سینئر ایوارڈ : سویتا پونیا، سلیمہ ٹیٹے، سنگیتا کماری اور نونیت کور۔
