حیدرآباد، 23 جنوری (یو این آئی) انگلینڈ کرکٹ ٹیم کے ہیڈ کوچ برینڈن میک کولم نے کہا کہ ہم کھیل سے لطف اندوز ہونا چاہتے ہیں۔ ہمیں مقابلے میں آزمایا جائے گا، ہمارے طریقوں کو چیلنج کیا جائے گا اور دنیا کی نظریں ہم پر ہوں گی۔میک کولم نے کہا کہ ظاہر ہے اس میں کوئی ڈھکی چھپی بات نہیں ہے کہ ہم کھیل سے لطف اندوز ہونا چاہتے ہیں اور ہم اس سوچ کو صرف کرکٹ کے میدان تک محدود نہیں کر رہے ہیں۔ ہمیں ہر ٹیسٹ میچ میں گیند سے 20 وکٹیں لینا ہوں گی۔ حالانکہ ہمیں آزمایا جائے گا، ہمارے طریقوں کو چیلنج کیا جائے گا، یہ مقابلہ کافی مزیدار ہوگا۔‘‘حیدرآباد کی پچ کے بارے میں میک کولم نے کہا کہ یہ اچھی لگ رہی ہے۔ اس پچ پر مزید اسپن ہوں گے۔ اگرچہ یہ ابتدائی طور پر اسپن کو مدد نہیں دے سکتا لیکن یہ یقینی طور پر اسپنرز کو آگے بڑھنے میں مدد دے گا اور میرے خیال میں اسپن پوری سیریز کے نتائج کا تعین کرے گا۔انہوں نے کہا کہ جب ہم اس سفر پر نکلے تو ہم نے سوچا کہ ہمیں لوگوں کو زیادہ سے زیادہ تفریح فراہم کرنا ہے۔ ہم نے محسوس کیا کہ اس سے ہمیں بہتر مواقع بھی مل سکتے ہیں۔ اس سے بہتر پلیٹ فارم کیا ہو سکتا ہے کہ ہندوستان کے خلاف ہندوستان میں ایسا کچھ کر سکے۔ دنیا کے کئی حصوں کی نظریں ہم پر ہوں گی اور ایسی صورت حال میں ہندوستان ہمارے لیے مواقع کی دنیا ہے۔‘‘واضح رہے کہ برینڈن میک کولم کی حیدرآباد سے سنہری یاد وابستہ ہے۔ میک کولم نے نومبر 2010 میں اس گراؤنڈ پر ڈبل سنچری بنائی تھی۔ میک کولم کی 225 رنز کی اننگز کی وجہ سے ہی نیوزی لینڈ ٹیسٹ میچ ڈرا کرنے میں کامیاب ہوا۔
