لندن، 30 اپریل (یو این آئی) جوفرا آرچر-کرس جارڈن کو آئندہ ٹی-20 ورلڈ کپ کے لیے انگلینڈ کی 15 رکنی ٹیم میں شامل کیا گیا ہے۔ اس کے علاوہ فلپ سالٹ کو بھی ٹیم میں موقع دیا گیا ہے۔دفاعی چیمپئن انگلینڈ نے آج ٹی۔ٹوئنٹی ورلڈ کپ کے لیے اپنی ٹیم کا اعلان کیا ہے۔ جوفرا آرچر اور کرس جارڈن جوز بٹلر کی قیادت میں ٹیم میں واپس آگئے ہیں۔ انڈین پریمیئر لیگ (آئی پی ایل) میں کھیلنے والے فل سالٹ کو بھی ٹیم میں شامل کیا گیا ہے۔ اس کے علاوہ معین علی، بین ڈکٹ اور لیام لیونگ اسٹون کو آل راؤنڈر کے طور پر ٹیم میں شامل کیا گیا ہے۔ ٹیم میں اسپنر عادل رشید اور ٹام ہارٹلے ہیں اور فاسٹ بولر ریس ٹوپلے، مارک ووڈ، جوفرا آرچر اور کرس جارڈن ٹیم میں شامل ہیں۔ٹی ٹوئنٹی ورلڈ کپ میں انگلینڈ کی ٹیم اپنا پہلا میچ 4 جون کو اسکاٹ لینڈ کے خلاف بارباڈوس میں کھیلے گی۔ انگلینڈ کی ٹیم کو ٹی ٹوئنٹی ورلڈ کپ کے گروپ بی میں رکھا گیا ہے۔انگلینڈ ٹی ٹوئنٹی ورلڈ کپ اسکواڈ: جوس بٹلر (کپتان)، فل سالٹ، ول جیکس، جونی بیرسٹو، بین ڈکٹ، ہیری بروک، لیام لیونگ اسٹون، معین علی (نائب کپتان)، سیم کرن، کرس جارڈن، ٹام ہارٹلی، عادل رشید، جوفرا آرچر، مارک ووڈ اور ریس ٹوپلی۔
