حیدرآباد:25؍اپریل :رائل چیلنجرز بنگلورنےآئی پی ایل میں آج سیزن کے 41ویں میچ میں سن رائزرز حیدرآباد کو 35 رنز سے شکست دی۔ بنگلورو نے لگاتار 6 میچ ہارنے کے بعدکوئی میچ جیتا ہے، جب کہ حیدرآباد نے لگاتار 4 جیت کے بعدکوئی میچ ہارا ہے۔حیدرآباد کے راجیو گاندھی انٹرنیشنل اسٹیڈیم میں ٹاس جیت کر بیٹنگ کرتے ہوئے بنگلورو نے 20 اوور میں 7 وکٹوں پر 206 رنز بنائے۔
جواب میں حیدرآباد کی ٹیم 20 اوورز میں 8 وکٹوں پر صرف 171 رنز بنا سکی۔آر سی بی کی طرف سے وراٹ کوہلی (51 رن) اور رجت پاٹیدار (50 رن) نے نصف سنچریاں اسکور کیں۔ کیمرون گرین نے 20 گیندوں پر ناقابل شکست 37 رنز بنائے جبکہ کپتان فاف ڈو پلیسس نے 25 رنز کا تعاون دیا۔ جے دیو انادکت نے 3 وکٹیں حاصل کیں۔ کپتان پیٹ کمنز، ٹی نٹراجن اور مینک مارکنڈے نے ایک ایک وکٹ حاصل کی۔ ایس آر ایچ کی جانب سے شہباز احمد نے 40 رنز کی ناقابل شکست اننگز کھیلی۔ کپتان پیٹ کمنز اور ابھیشیک شرما نے برابر 31-31 رنز بنائے۔ ڈیبیو کرنے والے سوپنل سنگھ، کرن شرما اور کیمرون گرین نے 2-2 وکٹیں حاصل کیں۔حیدرآبادنے اننگز کے آخری اوور میں 8 رنز بنائے۔ اس کے ساتھ ہی آر سی بی نے 35 رنز سے جیت حاصل کی۔ آخر میں شاہد احمد 37 گیندوں میں 40 رنز بنا کر ناٹ آؤٹ رہے اور جے دیو انادکٹ 10 گیندوں پر 8 رنز بنا کر ناٹ آؤٹ رہے۔حیدرآباد کے 8 بلے باز 16 ویں اوور میں ہی آؤٹ ہوگئے تھے۔
کیمرون گرین نے اوور کی 5ویں گیند پر بھونیشور کمار کو پویلین بھیجا۔ اسے سراج نے پکڑ لیا۔حیدرآباد نے 14ویں اوور میں 7واں وکٹ کھو دیا ہے۔
پیٹ کمنز کیمرون گرین کے اوور کی پہلی گیند پر 31 رنز بنانے کے بعد آؤٹ ہوئے۔ انہیں محمد سراج نے کیچ کیا۔
