بھوپال:20؍مئی:وزیرِ اعظم مسٹر نریندر مودی کی جانب سے ملک کے عوام سے ایندھن کی بچت اور ماحولیات کے تحفظ کے لیے کی گئی اپیل پر عمل کرتے ہوئے، بدھ کے روز ہنر مندی ترقی و روزگار کے وزیرِ مملکت (آزاد چارج) مسٹر گوتم ٹیٹوال اور ماہی گیر بہبود و ماہی پروری ترقیات کے وزیرِ مملکت (آزاد چارج) مسٹر نارائن سنگھ پنوار کابینہ میٹنگ میں شرکت کے لیے ای-رکشا کے ذریعے وزارت پہنچے۔محفوظ ماحولیات کی یہی بنیاد — ہر بار ایندھن کی بچت” کا پیغام دیتے ہوئے وزیرِ مملکت مسٹر ٹیٹوال نے کہا کہ وزیرِ اعظم مسٹر نریندر مودی نے وسائل کے متوازن استعمال کا جو آہوان کیا ہے، اسے اپناتے ہوئے ہم سب کو اپنے طرزِ عمل سے دوسروں کو بھی ترغیب دینی چاہیے۔
توانائی کی بچت کو عوامی تحریک بنانے کی اپیل:وزیر مسٹر ٹیٹوال اور مسٹر پنوار نے ریاست کے عوام سے اپیل کرتے ہوئے کہا کہ ہم سب کو پٹرول اور ڈیزل کے استعمال میں کمی، ماحولیات کے تحفظ کے فروغ اور توانائی کی بچت کو ایک عوامی تحریک بنانے کا عزم کرنا چاہیے۔ انہوں نے کہا کہ ہر فرد کی جانب سے کی جانے والی چھوٹی چھوٹی کوششیں ہی مستقبل میں ایک خود کفیل، صاف ستھرے اور مضبوط بھارت کی تعمیر کی مضبوط بنیاد تیار کریں گی۔
بایومیٹرک تصدیق کے ذریعے راشن کی تقسیم کی جا رہی ہے
بھوپال:20؍مئی:فی الحال ریاست میں راشن کی تقسیم کے لیے مناسب قیمت کی دکانوں پر نصب کی گئی پی او ایس مشینوں میں فیس ریکگنیشن ٹیکنالوجی، کیمرہ اور آئرس اسکینر وغیرہ کی سہولت موجود نہیں ہے۔ تمام مستحق خاندانوں کو پی او ایس مشین پر انگوٹھے کے نشان کے ذریعے بایومیٹرک تصدیق کرکے راشن تقسیم کیا جا رہا ہے۔
