بھوپال 6جولائی: وزیر اعلیٰ ڈاکٹر یادو نے ڈاکٹر شیاما پرساد مکھرجی کو یاد کرتے ہوئے کہا کہ بھارتی جن سنگھ کے بانی ڈاکٹر شیاما پرساد مکھرجی کا 125 واں یوم پیدائش پورے احترام کے ساتھ منایا جا رہا ہے۔ ڈاکٹر مکھرجی کے ‘ایک ملک-ایک قانون-ایک نشان-ایک سربراہ کے عزم کو سچ کرنے کی سمت میں مدھیہ پردیش حکومت مسلسل کام کر رہی ہے۔ اسی سلسلے میں ریاستی حکومت اسی مہینے یکساں سول کوڈ (یو سی سی) نافذ کرنے کی سمت میں سرگرم ہے۔
وزیر اعلیٰ ڈاکٹر یادو نے کہا کہ وزیر اعظم مسٹر نریندر مودی کی قیادت میں بھارت نے تمام شعبوں میں نمایاں ترقی کرتے ہوئے دنیا میں خاص پہچان بنائی ہے۔ ڈاکٹر مکھرجی نے ملک اور سماج کی ہمہ جہت ترقی کا تصور کیا تھا۔ ریاستی حکومت نے ڈاکٹر مکھرجی کے یوم پیدائش کے موقع پر 15 روزہ عوامی بہبود پندرہواڑے کی شروعات کی ہے، جس کے تحت ریاست کے تمام غریب، ضرورت مند اور اہل مستفیدین کو اسکیموں کا فائدہ یقینی بنایا جا رہا ہے۔ ریاستی حکومت نوجوانوں کو روزگار کے مواقع فراہم کرنے کے لیے صنعتی ترقی پر خصوصی توجہ دے رہی ہے۔ اس سمت میں روزگار کے مواقع پیدا ہونے سے ہر طبقے کی بہبود یقینی ہو پا رہی ہے۔
وزیر اعلیٰ ڈاکٹر یادو نے کہا کہ وزیر اعظم مسٹر نریندر مودی کی ہدایت کے مطابق دہلی میں بنا بھارت منڈپم ہمارے لیے ایک مثالی نمونہ ہے۔ ڈاکٹر مکھرجی کے یوم پیدائش پر آج بھوپال کے ست گڑھی میں مدھیہ پردیش کے سب سے بڑے کنونشن سینٹر اور ست گڑھی اسمارٹ انڈسٹریل پارک کا سنگ بنیاد رکھا جا رہا ہے۔ ریاستی حکومت کشابھاؤ ٹھاکرے آڈیٹوریم کے پاس ایک جدید کنونشن سینٹر تیار کر رہی ہے، جس کی گنجائش 5 ہزار نشستوں کی رہے گی۔ ست گڑھی میں بننے والے نئے وسیع کنونشن سینٹر میں 10 ہزار سے زیادہ افراد کا انتظام ہے۔ بھوپال سب سے خوشحال اور مضبوط راجدھانی بننے جا رہا ہے۔ ہماری ریاست ہر شعبے میں تیزی سے ترقی کرتے ہوئے آگے بڑھ رہی ہے۔
وزیر اعلیٰ ڈاکٹر یادو نے کہا کہ مدھیہ پردیش نے دفاعی شعبے میں نئی تاریخ رقم کی ہے۔ اب دفاعی شعبے کے کئی آلات، میزائل اور ہتھیار مدھیہ پردیش کی دھرتی پر بنیں گے۔ چمبل کی دھرتی سالوں سے ماں بھارتی کی خدمت کرنے والے بہادر فوجیوں کی زمین رہی ہے۔ اب یہاں جدید ہتھیار بھی تیار کیے جائیں گے۔ یہ میزائل ایک ہزار کلومیٹر تک دشمن کے ٹھکانوں کو تباہ کرنے کی صلاحیت والی ہوں گی۔ پروگرام میں کھیل اور نوجوانوں کی بہبود نیز کوآپریٹو وزیر مسٹر وشواس کیلاش سارنگ، صوبائی صدر اور سینئر ایم ایل اے مسٹر ہیمنت کھنڈیلوال، ایم ایل اے مسٹر رامیشور شرما، مسٹر رویندر یتی، عوامی نمائندوں سمیت بڑی تعداد میں شہری موجود تھے۔
