بھوپال، 4 نومبر (پریس ریلیز): اسکوپ گلوبل اسکلز یونیورسٹی، بھوپال میں منعقدہ دو روزہ تقریب ’دیوالی سکل ولی 2026‘ کا بدھ کو جوش و خروش کے ساتھ اختتام ہوا۔ تقریب میں مہارت، تخلیقی صلاحیت، ثقافت اور تہوار کو ایک ساتھ پیش کیا گیا۔ پہلے دن تقریباً 3,000 طلبہ نے شرکت کی۔مہمانِ خصوصی چانسلر ڈاکٹر سدھارتھ چترویدی، وائس چانسلر ڈاکٹر وجے سنگھ اور رجسٹرار ڈاکٹر ستیش کمار سنہا موجود رہے۔تقریب میں طلبہ کے تیار کردہ ہوم ڈیکور، زیورات، ہینڈی کرافٹ، موم بتیاں، زرعی مصنوعات اور پینٹنگز کے اسٹالز لگائے گئے۔ فریشرز نائٹ میں فیشن شو اور ڈی جے سفین کی پرفارمنس، جبکہ دوسرے دن ڈیرک ناتھنیل کی بینڈ پرفارمنس خاص توجہ کا مرکز رہی۔ اوپن مائیک اور فوڈ زون نے بھی طلبہ کی بھرپور شرکت کو یقینی بنایا۔چانسلر ڈاکٹر سدھارتھ چترویدی نے کہا کہ ایسے پروگرام نوجوانوں کو اپنی صلاحیت پہچاننے، جدت اور خود انحصاری کی طرف بڑھنے کی ترغیب دیتے ہیں۔تقریب کی منتظم ڈاکٹر تینا تیواری نے کہا کہ اس کے ذریعے مہارت کی ترقی، ثقافتی تحفظ اور خود انحصاری کا پیغام آگے بڑھایا جا رہا ہے۔
