احمدآباد4مئی: کانگریس کی جنرل سکریٹری پرینکا گاندھی واڈرا نے ہفتہ کے روز گجرات کے بناس کانٹھا میں ایک انتخابی جلسہ عام سے خطاب کیا۔ اس دوران انہوں نے راہل گاندھی کو شہزادہ کہنے پر وزیر اعظم مودی پر نشانہ لگایا اور کہا کہ وہ خود شہنشاہ والی زندگی گزارتے ہیں۔ پرینکا گاندھی نے کہا، ’’وہ میرے بھائی کو شہزادہ بولتے ہیں۔ میں ان کو بتانا چاہتی ہوں کہ یہ شہزادے 4000 کلومیٹر پیدل چلتے ہیں۔ کنیا کماری سے کشمیر تک آپ کے مسائل سننے کے لئے پیدل سفر کیا۔ میرے بھائیوں، بہوں، کسانوں، مزدوروں سے ملے اور سب سے پیار سے پوچھا کہ آپ کو کیا مشکلات ہیں، زندگی کے مسائل کیا ہیں اور انہیں ہم کس طرح حل کر ستے ہیں۔ انہوں نے مزید کہا، ’’اور ایک طرف آپ کے شہنشاہ نریندر مودی ہیں۔ محلات میں رہتے ہیں۔ کیا آپ نے کبھی ٹی وی پر ان کا چہرہ دیکھا ہے؟ بہت صاف ستھرا سفید کرتہ، جس میں دھول کا ایک بھی داغ نہیں۔ ایک بال بھی ادھر کا ادھر نہیں ہے۔ وہ آپ کی مزدوری، آپ کی کھیتی کو کیسے سمجھیں گے؟ آپ جس دلدل میں ہیں اسے کیسے سمجھیں گے؟ آپ مہنگائی سے مغلوب ہیں۔ ہر طرف مہنگائی۔ مٹی کا تیل کتے کا ہے؟ میری بہنیں سبزی لینے جاتی ہیں، کیا ملتا ہے، کیا بھاؤ ہے اس کا۔‘‘ مہنگائی کے معاملے پر مودی حکومت پر حملہ کرتے ہوئے پرینکا گاندھی نے کہا کہ میرے کسان بھائیو، پیٹرول اور ڈیزل کی قیمت کیا ہے؟ آپ کیسے گزارا کر رہے ہیں؟ ہر زرعی اشیاء پر جی ایس ٹی ہے۔ ہر شے مہنگی ہو گئی ہے۔ میری بہنیں، کوئی تہوار ہو تو کچھ خریدنا پڑتا ہے، بچوں کے لیے نئے کپڑے، کوئی یونیفارم خریدنا پڑتا ہے، فیس دینی پڑتی ہے، کوئی بیمار ہو جاتا ہے، علاج کرنا ہو تو کیا حالات ہوتی ہے آپ کی؟ مودی یہ نہیں جان سکتے۔ کانگریس جنرل سکریٹری پرینکا گاندھی نے بی جے پی کو نشانہ بناتے ہوئے کہا، ’’جب یہ لوگ آئین کو تبدیل کرنے کی بات کرتے ہیں تو اس کا مطلب ہے کہ وہ آپ کے حقوق چھیننا چاہتے ہیں۔ پی ایم مودی نے پچھلے 10 سالوں میں لوگوں کے حقوق کو کم کرنے کا کام کیا ہے۔ پہلے پی ایم گاؤں گاؤں جا کر لوگوں کے مسائل سنتے تھے۔ گجرات نے پی ایم مودی کو سب کچھ دیا، اقتدار دیا۔ لیکن اب آپ اسے دیکھیں، وہ بڑے لوگوں کے ساتھ نظر آتا ہے، لیکن کسانوں یا غریبوں میں کبھی نظر نہیں آئے گا۔ اپنے پارلیمانی حلقہ وارانسی میں بھی وہ کسی غریب کے گھر نہیں گئے۔‘‘
