بھوپال، 31 مارچ: بھوپال کے تھانہ گوتم نگر علاقے کے تحت رنبھا نگر میں پیر کی دیر رات محض گھورنے کے معمولی تنازعہ پر 6 افراد نے مل کر ایک نوجوان پر جان لیوا حملہ کر دیا۔ زخمی نوجوان کی شناخت 31 سالہ گلفام کے طور پر ہوئی ہے، جو پیشے سے درزی ہے۔ پولیس کے مطابق، ملزم ساجد مولانا اور اس کے بیٹوں سمیت دیگر ساتھیوں نے گلفام کو گھر کے قریب روک کر پہلے زدوکوب کیا اور پھر چاقو سے اس کے پیٹ اور ہاتھ پر تین وار کیے۔
حملہ آور واردات کے بعد زخمی کو لہولہان حالت میں چھوڑ کر فرار ہو گئے۔ اہل خانہ نے فوری طور پر گلفام کو حمیدیہ اسپتال منتقل کیا، جہاں اس کا علاج جاری ہے۔ گوتم نگر پولیس نے اس سلسلے میں ساجد، شاہزاد، ساحل، بلال اور دیگر کے خلاف اقدام قتل کا کیس درج کر کے تلاش شروع کر دی ہے۔ شہریوں میں اس واقعے کے بعد خوف و ہراس پایا جاتا ہے۔
