بھوپال ، 24 دسمبر:بدھ کی دوپہر، پولس نے لاپتہ آٹو ڈرائیور کی لاش بھوپال کے کروند منڈی میں پل کے قریب ایک کھیت سے برآمد کی۔ لاش کے قریب سے منشیات کے انجکشن ملے۔ پولیس کو شبہ ہے کہ نوجوان کی موت نشہ کی زیادتی سے ہوئی ہے۔پولیس نے مقدمہ درج کر کے تفتیش شروع کر دی ہے۔ لاش کو پوسٹ مارٹم کے لیے مردہ خانے بھجوا دیا گیا ہے۔ پولیس کے مطابق متوفی حیدر علی (35) ولد جمال الدین ہاؤسنگ بورڈ کروند میں رہتا تھا۔ وہ منگل کی دوپہر کو اپنے آٹو رکشا میں روانہ ہواتھا۔رات 9 بجے تک متعدد کالز کے باوجود اس نے کال واپس نہیں کی۔ اہل خانہ نے رات دیر گئے پولیس اسٹیشن میں شکایت درج کرائی۔ انہوں نے بدھ کی صبح اس کی تلاش شروع کی۔ اس دوران پولیس نے لاش ملنے کے بعد شناخت کے لیے اہل خانہ کو بلایا۔لواحقین نے موقع پر پہنچ کر لاش کی شناخت کی۔ اس کے بعد پولیس نے پنچنامہ کی کارروائی مکمل کی اور لاش کو پوسٹ مارٹم کے لیے بھیج دیا۔ پولیس پوسٹ مارٹم کے بعد لاش لواحقین کے حوالے کرے گی۔ پولیس کا کہنا ہے کہ لاش کے قریب سے نشہ آور انجکشن ملے ہیں۔ شبہ ظاہر کیا جا رہا ہے کہ موت نشہ کی زیادتی کے باعث ہوئی ہے۔ تاہم موت کی اصل وجہ پوسٹ مارٹم رپورٹ آنے کے بعد ہی سامنے آئے گی۔
