بھوپال:14؍نومبر:(پریس ریلیز) راجدھانی کے ٹی ٹی نگرپولس تھانہ کی جواہر چوک پولیس چوکی پچھلے کئی سالوں سے خستہ حال ہونے کے باوجود، اپنی حالت میں سدھار کے لئے انتظار کر رہی تھی۔
اب ٹی ٹی نگرتھانہ انچارج سنیل سنگھ بھدوریا اور اسسٹنٹ پولیس کمشنر چندر شیکھر پانڈے کی رہنمائی میں کانسٹیبل سنیل ڈانگے نے پولیس چوکی جواہر چوک کو دوبارہ تعمیر کرایا اور عوام کی سہولت کے لیے تیار کیا ۔کیونکہ یہ مصروف ترین علاقہ ہے اور ہجوم کے پیش نظر پولیس کی موجودگی ضروری تھی اس لئے یہاں پر لائٹ، پانی اور بجلی کا بہترین انتظام کیاگیا۔
