بھوپال:03؍اکتوبر:وزیر صحت عامہ انجینئرنگ اور سنگرولی ضلع کی انچارج وزیر شریمتی سمپتیا اوئیکے نے سیوا سنکلپ ابھیان کے تحت وڈ نگر سے وارانسی کی سیوا سنکلپ یاترا پر روانہ ہونے والے سیوا یاتریوں کے سنگرولی ضلع کے نگری پہنچنے پر پْرتپاک استقبال اور خیرمقدم کیا۔ انہوں نے سیوا یاتریوں کی حوصلہ افزائی کرتے ہوئے خدمت، لگن، صفائی اور عوامی شراکت داری کے پیغام کو زیادہ سے زیادہ لوگوں تک پہنچانے کی اپیل کی۔
انچارج وزیر شریمتی اوئیکے نے کہا کہ وزیر اعظم مسٹر مودی کی عوامی زندگی کے 25 سال خدمت، گڈ گورننس، عوامی شراکت داری اور قومی مفاد کے تئیں لگن کے سفر کے طور پر اہم ہیں۔ وزیر اعظم مسٹر مودی نے اپنی عوامی زندگی میں معاشرے کی آخری صف کے فرد تک حکومتی اسکیموں کا فائدہ پہنچانے، صفائی کو عوامی تحریک کی شکل دینے اور خود کفیل و ترقی یافتہ بھارت کی تعمیر کی سمت میں مسلسل کام کیا ہے۔ سیوا سنکلپ ابھیان اسی خدمت کے جذبے اور سماجی ذمہ داری کے پیغام کو ہر فرد تک پہنچانے کا ذریعہ ہے۔ انہوں نے کہا کہ صفائی، خدمت اور معاشرے کے آخری فرد تک عوامی فلاحی اسکیموں کا فائدہ پہنچانا ہم سب کی اجتماعی ذمہ داری ہے۔
