بھوپال 7اکتوبر:وزیراعلیٰ ڈاکٹر موہن یادو نے خدمت، بہتر حکمرانی اور غریبوں کی بہبود کے لیے وقف وزیراعظم مسٹر نریندر مودی کی قوم کی خدمت کے 25 سال مکمل ہونے پر ریاست کے عوام کو دلی مبارکباد اور نیک خواہشات پیش کی ہیں۔ وزیراعلیٰ ڈاکٹر یادو نے کہا کہ وزیراعظم مسٹر مودی کے قوم کی تعمیر کے عزم کا یہ مسلسل سفر 7 اکتوبر 2001 کو گجرات کے وزیراعلیٰ کی حیثیت سے شروع ہوا تھا۔ وزیراعظم مسٹر مودی کی عوامی خدمت کا سفر آج 25 سال کے قابل فخر پڑاؤ تک پہنچ رہا ہے۔ یہ سفر ’سب کا ساتھ، سب کا وکاس، سب کا وشواس اور سب کا پریاس‘ کے عزم کو حقیقت میں بدلنے کی مسلسل کوشش رہا ہے۔ وزیراعظم مسٹر مودی نے ملک کی ترقی کے لیے اپنی زندگی کا ہر لمحہ قوم کی خدمت کے لیے وقف کرنے کی ملک کے عوام سے اپیل کی ہے۔وزیراعلیٰ ڈاکٹر یادو نے یاترا میں شامل لوگوں کو 2047 تک وِکست بھارت کے عزم کو کامیابی تک پہنچانے کے لیے اپنا بہترین تعاون دینے کا عزم دلایا۔ مدھیہ پردیش وزیراعظم مسٹر مودی کی رہنمائی میں ترقی اور عوامی بہبود کی راہ پر مسلسل آگے بڑھ رہا ہے۔
وزیراعلیٰ ڈاکٹر یادو نے کہا کہ وزیراعظم مسٹر مودی کی قیادت میں سپریم کورٹ کے حکم پر عمل کرتے ہوئے ایودھیا میں بھگوان شری رام کا عظیم الشان مندر تیار ہو چکا ہے۔ مدھیہ پردیش حکومت نے بھی ’ایک ملک، ایک سربراہ، ایک قانون‘ کے عزم کو پورا کرتے ہوئے اسمبلی کے ذریعے یکساں سول کوڈ (یو سی سی) نافذ کرانے کی راہ ہموار کی ہے۔ وزیراعظم مسٹر مودی کے دست مبارک سے اجین میں بابا مہاکال کے شری مہاکال لوک کا افتتاح ہوا، جس کے نتیجے میں اجین مذہبی سیاحت کا ایک اہم مرکز بن گیا ہے۔ یہاں سال 2022 تک تقریباً 60 سے 70 لاکھ عقیدت مند ہی آتے تھے، لیکن سال 2025 میں 7 کروڑ یاتری اجین آئے اور ریاست میں مجموعی سیاحوں کی تعداد 20 کروڑ سے تجاوز کر گئی۔وزیراعلیٰ ڈاکٹر یادو نے کہا کہ سوامی وویکانند کے خیالات تھے کہ 21ویں صدی ہندوستان کی ہوگی۔ آج ہندوستان دنیا کا سب سے نوجوان ملک ہے، وزیراعظم مسٹر مودی مسلسل قوم کی خدمت کرتے ہوئے ہندوستان کو ترقی اور پیش رفت کی نئی بلندیوں تک لے جا رہے ہیں۔
انہوں نے کورونا جیسے عالمی بحران سے ملک کو باہر نکالنے کے ساتھ آرٹیکل 370 کے تاریخی فیصلے، نکسل ازم کے خلاف فیصلہ کن کارروائی سے لے کر آیوشمان بھارت، اجولا گیس یوجنا اور پردھان منتری آواس یوجنا جیسی متعدد اسکیموں کا فائدہ ہر شخص تک پہنچا کر کروڑوں لوگوں کی زندگیوں کو بدلنے کا کام کیا ہے۔ وزیراعظم مسٹر مودی کا یہ پورا سفر ترقی یافتہ اور خود کفیل ہندوستان کے عزم کو حقیقت میں بدلنے کی سمت میں مسلسل آگے بڑھنے کی ترغیب دیتا ہے۔
