لاس اینجلس:16؍جون:مصر کا فٹبال ورلڈ کپ میں پہلی فتح حاصل کرنے کا 92 سالہ انتظار مزید طویل ہو گیا۔ منگل کو کھیلے گئے میچ میں مصر نے عالمی درجہ بندی میں نویں نمبر پر موجود بیلجیم کے خلاف برتری حاصل کر لی تھی، لیکن بیلجیم کے اسٹار اسٹرائیکر رومیلو لوکاکو میدان میں آتے ہی کھیل کا نقشہ بدل دیا۔ ان کی موجودگی سے پنالٹی ایریا میں پیدا ہونے والی افراتفری کے دوران مصر کے مدافع محمد ہانی نے غلطی سے اپنے ہی جال میں گیند پہنچا دی، جس کے نتیجے میں میچ برابر ہو گیا۔دوسری جانب لاس اینجلس میں ایران نے نیوزی لینڈ کی ورلڈ کپ میں پہلی فتح کی امیدوں پر پانی پھیر دیا۔ دونوں ٹیموں کے درمیان مقابلہ 2-2 کی برابری پر ختم ہوا۔ نیوزی لینڈ کی جانب سے ایلیجا جسٹ نے دو گول اسکور کیے اور وہ ورلڈ کپ کے ایک ہی میچ میں ایک سے زائد گول کرنے والے نیوزی لینڈ کے پہلے کھلاڑی بن گئے۔
