لکھنؤ:30؍اپریل:آئی پی ایل 2024 کے 48ویں میچ میں آج لکھنؤ سپر جائنٹس نے ممبئی انڈینس کو چار وکٹ سے ہرادیا۔ 145رن کے مقررہ ہدف کو لکھنؤنے 2.19اوورمیں 6وکٹ کے نقصان پر پوراکرلیا۔ لکھنو کی طرف سے مارکس اسٹوئنس نے 45گیندوں پر 62رن بنائے۔ اس کےعلاوہ لوکیش راہل نے 28 رن بنائے۔ ممبئی کی طرف سے ہاردک پانڈیا نے دو وکٹیں حاصل کیں۔قبل ازیں ممبئی انڈینز نے لکھنؤ سپر جائنٹس کو 145 رنز کا ہدف دیا ہے۔ لکھنؤ کے بھارت رتن شری اٹل بہاری واجپائی اسٹیڈیم میں ایل ایس جی نے ٹاس جیت کر بولنگ کا انتخاب کیا۔ ممبئی نے 20 اوور میں 7 وکٹ پر 144 رنز بنائے۔
مارکس سٹوئنس 62 رنز بنا کر آؤٹ ہوئے۔ محمد نبی نے انہیں تلک ورما کے ہاتھوں کیچ کرایا۔دیپک ہڈا 18 رنز بنانے کے بعد آؤٹ ہوئے۔ وہ ہاردک پانڈیا کے ہاتھوں جسپریت بمراہ کے ہاتھوں کیچ ہوئے۔ انہوں نے کپتان کے ایل راہول (28 رنز) کو بھی پویلین بھیجا۔ممبئی کے امپیکٹ کھلاڑی نووان تھشارا نے پہلے ہی اوور میں امپیکٹ کھلاڑی ارشین کلکرنی کو ایل بی ڈبلیو کیا۔ کلکرنی کھاتہ بھی نہیں کھول سکے۔
ایم آئی کی جانب سے نہال ودھیرا نے 41 گیندوں پر 46 اور ٹم ڈیوڈ نے 18 گیندوں پر 35 رنز بنائے۔ ایشان کشن نے 32 رنز کی شراکت کی، روہت شرما سالگرہ پر صرف 4 رنز بنا سکے۔ محسن خان نے 2 وکٹیں حاصل کیں۔ مینک یادو، نوین الحق، روی بشنوئی اور مارکس اسٹوئنس کو ایک ایک کامیابی ملی۔
