بھوپال:14؍اکتوبر:فوجیوں کی بحالی اور روزگار کے مواقع کو فروغ دینے کی سمت میں سینٹر فار ریسرچ اینڈ انڈسٹریل اسٹاف پرفارمنس (کرسپ)، بھوپال میں بدھ کے روز حکومتِ ہند کی وزارتِ دفاع کے محکمہ سابق فوجیوں کی بہبود کی سکریٹری سکرتی لیکھی نے دورہ کیا اور ڈی جی آر کے زیرِ تربیت افراد سے گفتگو کرکے ان کے تجربات معلوم کیے۔
مہمانِ خصوصی سکرتی لیکھی نے ڈی جی آر کے زیرِ تربیت افراد سے بات چیت کی اور ان کے تربیتی تجربات کے بارے میں جانا۔ کرسپ میں جاری تربیتی سرگرمیوں کی تعریف کرتے ہوئے انہوں نے کہا، ’’ڈی جی آر سے وابستہ لوگ اس ادارے کی تعریف کرتے ہیں۔ یہاں آکر جب میں نے پروگراموں کا جائزہ لیا تو میں بھی اس بات سے متاثر ہوئی کہ کرسپ واقعی اس شعبے میں بہت اچھا کام کر رہا ہے۔‘‘ انہوں نے زیرِ تربیت افراد کو مبارک باد دیتے ہوئے ان کے روشن مستقبل کے لیے نیک خواہشات کا اظہار کیا۔ڈائریکٹوریٹ جنرل آف ری ہیبلیٹیشن کے ڈائریکٹر جنرل، میجر جنرل ایس بی کے سنگھ، ایس ایم نے اپنے طویل تجربات شیئر کرتے ہوئے بتایا کہ ریٹائرمنٹ کے بعد بھی سابق فوجی مختلف شعبوں میں اپنی محنت، نظم و ضبط اور ہنر کی بنیاد پر بہتر کیریئر بنا سکتے ہیں اور اچھی آمدنی حاصل کر سکتے ہیں۔ انہوں نے زیرِ تربیت افراد سے اپیل کی کہ وہ عملی تربیت سے بھرپور فائدہ اٹھائیں اور تربیت کے ذریعے اپنی الگ شناخت بنائیں۔
کرسپ کے ڈائریکٹر امول ویدیہ نے کہا، ’’کرسپ کی کوشش ہے کہ سابق فوجیوں کو جدید ٹیکنالوجی اور صنعتوں کی ضروریات کے مطابق ہنر مندی کی تربیت فراہم کرکے ان کے تجربے کو نئی سمت دی جائے۔
