یمن 11اکتوبر: روزگار اور بہتر زندگی کی امید میں سمندر کے راستے یمن جانے والے مہاجرین کا سفر ایک دردناک حادثے میں تبدیل ہو گیا۔ جبوتی سے یمن جانے والی تقریباً 305 افراد سے بھری ایک کشتی 8 اور 9 اکتوبر کی درمیانی شب الٹ گئی۔ اس حادثے میں کم از کم 109 افراد ہلاک ہو گئے، جن میں 15 بچے بھی شامل ہیں۔ وہیں، 116 سے زائد افراد اب بھی لاپتہ ہیں۔ اقوام متحدہ کے انٹرنیشنل آرگنائزیشن فار مائیگریشن (IOM) نے اتوار کو یہ اطلاع دی۔IOM کے مطابق، کشتی جبوتی کے بندرگاہی شہر اوبوک کے شمال میں گوہیرے کے قریب پلٹ گئی۔
حادثے میں 80 سے زائد افراد اپنی جان بچانے میں کامیاب رہے۔ راحت کی بات یہ ہے کہ تمام زندہ بچ جانے والے افراد ایتھوپیا کے شہری ہیں۔ تاہم، کشتی میں سوار باقی افراد کی تلاش ابھی جاری ہے۔
