بھوپال:10؍اکتوبر:وزیراعلیٰ ڈاکٹر موہن یادو نے کہا ہے کہ ریاست میں کسانوں کو جدید زرعی تکنیکوں سے جوڑ کر کھیتی کو فائدہ مند بنانے کی سمت میں بلرام کرسی مہوتسو اہم کردار ادا کر رہا ہے۔ انہوں نے کہا کہ کسانوں کی بہتری کے لیے ریاستی حکومت ہر ممکن قدم اٹھا رہی ہے۔ سال 2026 کو ’’کسان بہبود کا سال‘‘ کے طور پر مناتے ہوئے ریاست کے تمام اضلاع میں بلرام کرشی مہوتسو کا انعقاد کیا جا رہا ہے۔ جمعہ، 9 اکتوبر تک ریاست کے 55 میں سے تقریباً 43 اضلاع میں ضلع سطح پر بلرام کرشی مہوتسو کا انعقاد ہو چکا ہے۔
وزیر اعلیٰ ڈاکٹر یادو نے کہا کہ کسانوں کی خوشحالی ہی ہمارا مقصد ہے، ہماری وابستگی ہے۔ انہوں نے کہا کہ بلرام کرشی مہوتسو کے ذریعہ زرعی ماہرین، سائنس دان اور ضلعی افسران براہ راست کسانوں سے بات چیت کر رہے ہیں۔ کسانوں کو جدید زرعی تکنیکوں، جدید زرعی مشینوں اور کھیتی میں نئی جدتیں اپنانے کے لیے ترغیب دی جا رہی ہے، تاکہ کسان کم سرمایہ کاری میں زیادہ آمدنی حاصل کرنے کے طریقے سیکھ کر ان پر عمل کر سکیں۔وزیراعلیٰ ڈاکٹر یادو نے کہا کہ بدلتے وقت میں کھیتی کو زیادہ فائدہ مند بنانے کے لیے روایتی طریقوں کے ساتھ جدید تکنیکوں کو اپنانا ضروری ہے۔
زرعی ماہرین کی جانب سے دی جانے والی نئی معلومات کسانوں کو بہتر پیداوار، وسائل کے مؤثر استعمال اور آمدنی بڑھانے کے مواقع فراہم کر سکتی ہیں۔ انہوں نے کسانوں سے اپیل کی کہ وہ بلرام کرشی مہوتسو میں ضرور شرکت کریں اور زرعی ماہرین کے مشوروں سے بھرپور فائدہ اٹھائیں۔وزیر اعلیٰ ڈاکٹر یادو نے کہا کہ حکومت کا مقصد کسانوں کو معاشی طور پر مضبوط بنانا اور زرعی شعبہ میں خوشحالی کے نئے مواقع پیدا کرنا ہے۔ اس کے لیے تمام ضروری اقدامات اور انتظامات کیے جا رہے ہیں۔
کھیتی کو فائدہ مند بنانے کا ایک مضبوط پلیٹ فارم
اس سال 15 جولائی 2026 سے شروع ہونے والے بلرام کرشی مہوتسو کے سلسلے میں اب تک ہزاروں کسان اس میلے سے فائدہ اٹھا چکے ہیں۔ بلرام کرشی مہوتسو کھیتی باڑی کو نقصان سے نکالنے، جدید تکنیکوں کو کھیتوں تک پہنچانے اور کسانوں کو کامیابی اور منافع کے نئے راستوں سے جوڑنے کا ایک مضبوط پلیٹ فارم بن رہا ہے۔
