بھوپال:02؍ستمبر:رکشا بندھن کے مقدس تہوار کے موقع پر برہما کماری کی جانب سے نائب وزیر اعلیٰ مسٹر راجیندر شکل کو شیو بابا کا پوتررکشا سْوتر باندھا گیا۔ بھوپال زون راج یوگ بھون کی ڈائریکٹر راج یوگنی بی کے نرملہ بہن نے ماؤنٹ ابو سے لائے گئے رکشا سْوتر کے ذریعہ نائب وزیراعلیٰ کو پاکیزگی، روحانی محبت اور بھائی چارے کا پیغام دیا۔
نائب وزیراعلیٰ مسٹر شکل نے برہما کماریز کی بہنوں کی جانب سے کیے جانے والے روحانی اور سماجی کاموں کی تعریف کرتے ہوئے کہا کہ معاشرے کو جوڑنے والی خدمت سب سے مقدس خدمت ہے۔انہوں نے کہا کہ رکشا بندھن صرف بھائی بہن کے روایتی رشتے کا تہوار نہیں، بلکہ یہ روحانی محبت، پاکیزگی اور باہمی خیرسگالی کا پیغام دیتا ہے۔’’سچا رکشا بندھن وہی ہے، جب روح پانچ عیوب سے محفوظ ہو۔‘‘انہوں نے کہا کہ کام ،غصہ، لالچ، لگاؤ اور تکبر جیسے عیوب سے خود کی حفاظت کرنا ہی حقیقی روحانی حفاظت ہے۔پاکیزہ خیالات اور اعلیٰ اخلاقی اقدار فرد کے ساتھ ساتھ معاشرے اور ملک کی ترقی میں بھی مثبت تعاون دیتے ہیں۔
