رانچی، 22 فروری (یو این آئی) انگلینڈ نے جمعہ سے شروع ہونے والے چوتھے ٹیسٹ کے لیے پچ کی نوعیت کو جانچتے ہوئے آف اسپنر شعیب بشیر کو اپنے گیارہ میں شامل کیا ہے اور تیز گیند باز اولی رابنسن کو موقع دیا ہے۔لی کو جے ایس سی اے انٹرنیشنل اسٹیڈیم، رانچی میں کل ہونے والے چوتھے ٹیسٹ میچ کے لیے جو مارک ووڈ اور ریحان احمد کی جگہ ٹیم میں شامل کیا گیا ہے۔ انگلینڈ ڈومیسٹک سطح پر بشیر سے شاندار کارکردگی کو دہرانے کی امید کر رہا ہے۔انگلینڈ نے خراب فارم سے دوچار جونی بیرسٹو کو ایک اور موقع دیا ہے۔انگلینڈ کے کپتان بین اسٹوکس نے بشیر کی سلیکشن کے بارے میں کہا کہ ہم پچ کو دیکھ کر اپنے الیون کا انتخاب کرنا پسند کرتے ہیں۔ انہوں نے کہا کہ پچ کو دیکھ کر مجھے لگتا ہے کہ یہاں اضافی باؤنس ہوگا اور یہ اسپن کے لیے مددگار ثابت ہوگا۔ اسی لیے ہم نے بشیر کو ٹیم میں شامل کیا ہے۔انہوں نے اولی رابنسن کے بارے میں کہاکہ میں اسے ایک موقع دینے کے لئے واقعی پرجوش ہوں۔ وہ ایک ناقابل یقین پیشہ ور ہے، جس طرح سے وہ کام کرتا ہے۔
پہلے تین میچ میں نہ کھیلنا انتہائی مایوس کن ہے، خاص طور پر کسی ایسے شخص کے لیے جس نے گزشتہ دو سالوں میں کلیدی کردار ادا کیا ہو۔ جس طرح اس نے سب کچھ جاری رکھا، چلتا رہا اور آگے بڑھتا رہا۔ اب موقع آ گیا ہے۔ اس نے وہ سب کچھ کر دیا ہے جو اسے کرنا تھا اور میں واقعی میں اسے دوبارہ فیلڈ میں دیکھنے کا منتظر ہوں۔”چوتھے ٹیسٹ کے لیے انگلینڈ الیون:- بین اسٹوکس (کپتان)، جیک کرولی، بین ڈکٹ، اولی پوپ، جو روٹ، جونی بیرسٹو، بین فوکس، ٹام ہارٹلی، شعیب بشیر، اولی رابنسن اور جیمز اینڈرسن۔
