بھوپال، 15 فروری (رپورٹر) دہلی میں جاری کسانوں کے احتجاج کے درمیان کانگریس کے ریاستی صدر جیتو پٹواری نے جمعرات کو ریاست کی موہن حکومت پر حملہ کیا اور ’’مودی کی گارنٹی‘‘ پر سوال اٹھاتے ہوئے بی جے پی کے انتخابی منشور پر طنز کیا۔ جیتو پٹواری نے اپنے ایکس ہینڈل پر ایک ویڈیو پوسٹ کیا اور لکھا کہ مدھیہ پردیش بی جے پی کی طرف سے دی گئی ’’مودی گارنٹی‘‘ اقتدار میں آتے ہی غائب ہو گئی۔ کانگریس پارٹی حکومت کو انتباہ دے رہی ہے کہ اگر کسانوں سے متعلق جلد سماعت نہیں کی گئی تو گاؤں -گاؤں میں احتجاج کے مناظر دیکھنے کو ملیں گے۔ویڈیو میں جیتو کو یہ کہتے ہوئے نظر آرہے ہیں کہ وزیر اعلیٰ موہن یادو نے پچھلی بار کہا تھا کہ پارٹی کا انتخابی منشور گیتا اور رامائن کی طرح وچن پتر ہے، جس کا ہر لفظ ہمارے لیے گیتا اور رامائن کا جملہ ہے۔ لیکن حقیقت یہ ہے کہ آج تک مودی کی ایک ضمانت پر کام شروع نہیں ہوا۔ میں حکومت کو خبردار کرنا چاہتا ہوں کہ اگر اس بار گیہوں کی خریداری کی قیمت 2700 روپے فی کوئنٹل تک نہیں کئے گئے تو دہلی میں (کسان) تحریک کے خوف سے آپ 80 لیڈروں کو ضرور گرفتار کر سکتے ہیں، لیکن پوری کانگریسکی ذمہ داری ہے کہ ہم سڑک پر ہیں۔ گیہوں کی قیمت 2700 روپے فی کوئنٹل دوں ورنہ تحریک ضلع میں نہیں، بلاک میں نہیں، بلکہ گاؤں – گاؤں میں ہوگی۔
