نوئیڈا، 3 نومبر (یو این آئی) اتر پردیش کبڈی لیگ کا انعقاد 25 دسمبر کو اتر پردیش کے نوئیڈا کے سیکٹر 21A میں واقع نوئیڈا اسٹیڈیم کے انڈور میں ہوگا۔ اتر پردیش کبڈی لیگ کے منتظمین نے پیر کو مقابلے اور ایونٹ کے بارے میں معلومات فراہم کرتے ہوئے بتایا کہ اتر پردیش کبڈی لیگ کے سیزن 2 کے لیے کبڈی کھلاڑیوں کے انتخاب کا عمل مکمل ہو گیا ہے۔ اس کے بعد کھلاڑیوں کو ان کے تجربے اور کارکردگی کی سطح کی بنیاد پر چار کیٹیگریز میں تقسیم کیا گیا۔
کھلاڑیوں کی نیلامی دوپہر کے آخر میں ایک کھلی بولی کی شکل میں، براہ راست، فرنچائز مالکان، ٹیم آفیشلز، اور لیگ کے نمائندوں کی موجودگی میں اختتام پذیر ہوئی۔ (UPKL) یوپی کبڈی لیگ کے منتظمین نے مزید بتایا کہ پہلے سیزن کی کامیابی کے بعد لیگ کو وسعت دی گئی ہے اور تین نئی ٹیمیں اور کبڈی کے نئے کھلاڑی شامل کیے گئے ہیں، جس کے ساتھ کل 11 ٹیمیں سیزن 2 میں میدان میں اتریں گی۔ نوئیڈا ننجا، لکھنؤ لائنز، یمنا یودھا، کاشی کنگز، اودھ رام دوت، برج اسٹارز، سنگم چیلنجرز، گنگا کنگز (مرزا پور)، علی گڑھ ٹائیگرز، کانپور واریئرز اور پوروانچل پینتھرس کے کبڈی کھلاڑی حصہ لے رہے ہیں، جن میں کل 63 کھلاڑی شامل ہیں۔یوپی کبڈی لیگ ایونٹ کو ایک نجی کمپنی چلا رہی ہے جو آفیشل آکشن ٹیکنالوجی پارٹنر کے طور پر کام کرتی ہے۔ (UPKL) کی آفیشل ٹیگ لائن نئے سرے سے قائم کی گئی ہے اپنا بھارت ۔اپنا کھیل،کھیل رہا پہے میرا پردیش۔
یہ کبڈی مقابلہ لیگ میں حصہ لینے والے کھلاڑیوں اور ابھرتے ہوئے کھلاڑیوں کو اپنی صلاحیتوں کا مظاہرہ کرنے اور پیشہ ور کبڈی کیریئر بنانے کا بہترین موقع فراہم کرتا ہے جو مستقبل میں بھی جاری رہے گا۔ نیلامی کے دوران معروف کبڈی کھلاڑی اور یو پی کے ایل کے برانڈ ایمبیسیڈر راہول چودھری، اتر پردیش کبڈی ایسوسی ایشن کے سکریٹری اور یوپی کبڈی فیڈریشن کے نمائندے مہمان خصوصی کے طور پر موجود تھے۔
