سنگاپور، 27 جولائی (یواین آئی) ورلڈ ایکواٹکس چیمپئن شپ 2025 کے تیراکی مقابلے میں خواتین کی 400 میٹر ایونٹ کے فائنل میں کینیڈین سپر اسٹار سمر میک انٹوش نے لمبی دوری کی تیراکی کی ملکہ کیٹی لیڈیکی کو ہرا کر طلائی تمغہ جیتا۔ جبکہ جرمنی کے اولمپک چیمپئن اور عالمی ریکارڈ ہولڈر لوکاس مارٹنس نے شاندار کارکردگی کا مظاہرہ کرتے ہوئے مردوں کا ٹائٹل اپنے نام کیا۔ کینیڈین سپر اسٹار سمر میک انٹوش نے خواتین کے 400 میٹر فائنل میں 3:56.26 کے وقت کے ساتھ طلائی تمغہ جیتا۔ اولمپک چاندی کا تمغہ جیتنے والی میک انٹوش شروع سے آخر تک دوڑ میں آگے رہیں اور کیٹی لیڈیکی کو اس ایونٹ میں اپنا پانچواں ٹائٹل جیتنے سے روک دیا۔ چین کی لی بنگجی 3:58.21 کے وقت کے ساتھ دوسرے نمبر پر رہیں، جبکہ لیڈیکی نے 3:58.49 کے وقت کے ساتھ کانسی کا تمغہ جیتا۔ یہ میک انٹوش کے کیریئر کا نواں لانگ کورس عالمی خطاب ہے۔مردوں کے ایونٹ میں موجودہ اولمپک 400 میٹر فری اسٹائل چیمپئن لوکاس مارٹنس نے آسٹریلیا کے 2023 ورلڈ چیمپئن سیم شارٹ کو 0.02 سیکنڈ سے ہرا کر اپنا پہلا عالمی ٹائٹل جیتا۔
