لندن ، 8 جولائی (یو این آئی) ٹاپ سیڈ جانک سینر ، نمبر ایک خاتون کھلاڑی ایگا سویاٹیک اور بین شیلٹن نے اپنے اپنے مقابلے جیت کر ومبلڈن ٹینس مقابلہ کے کوارٹر فائنل میں جگہ بنالی۔حالیہ برسوں میں ومبلڈن میں ایک انتہائی حیرت انگیز تبدیلیوں میں سے ایک میں ، سینر کوارٹر فائنل میں پہنچ گئے ، جب گریگور دیمیتروف کو دو سیٹوں سے آگے ہونے کے باوجود میچ کے وسط میں ریٹائر ہونا پڑا۔یہ ڈرامہ پہلے ہی کھیل میں شروع ہوگیا ، جب ٹاپ سیڈ یافتہ سینر باقاعدہ سلائیڈ کے دوران پھسل گئے اور ان کی کہنی کو چوٹ لگ گئی۔ اگرچہ انہوں نے کھیل جاری رکھا ، لیکن اس کی خاص سروس نے ان کا ساتھ چھوڑ دیا اور میچ جلد ہی دیمیتروف کے حق میں چلا گیا۔ بلغاریہ کے کھلاڑی نے ایک برتری حاصل کی ، پہلے دو سیٹوں میں جیت حاصل کی اور 2014 کے بعد سے اپنے پہلے ومبلڈن کوارٹر فائنل میں پہنچنے کے لئے تیار نظر آئے۔لیکن جیسے ہی دیمیتروف فتح کی جانب پہنچے ،سامنے ایک مشکل آگئی۔ تیسرے سیٹ میں ، 2-2کی برابری پر نمبر 19 سیڈ کھلاڑی نے اچانک اپنے داہنے پیکٹورل مسل کو جکڑ لیا اور درد سے کراہتے ہوئے گھاس پر گر پڑے۔ اگرچہ انہوں نے ابھی ابھی سروس کی تھی لیکن وہ تقریباً رونے لگے۔ علاج کی کوشش کی گئی لیکن یہ واضح ہوگیا کہ وہ آگے نہیں کھیل سکیں گے۔ اپنی سروسنگ آرم کو مشکل سے اٹھا پانے کی وجہ سے، دیمیتروف کو ریٹائر ہونا پڑا ، یہ گرینڈ سلیم میں یہ ان کا مسلسل پانچواں مڈ میچ ریٹائرمنٹ تھا۔میچ کی شروعات بڑے کی جوش و خروش کے ساتھ ہوئی تھی، کیونکہ دیمتروف نے چھ منٹ کے شروعاتی گیم میں سروس کو برابر رکھا۔ سینر، جن کی سروس پہلے تین راؤنڈ میں 36 سروس گیم تک بغیر بریک کے رہی، نے فوراً پریشانی کی علامت ظاہر کردیں۔ دوسرے سیٹ کی شروعات میں انہوں نے پہلے آٹھ پوائنٹ گنوا دیئے اور 2-3 پر میڈیکل ٹائم آؤٹ کی ضرورت پڑی۔ ایک درد کش اور مالش نے کچھ وقت کے لئے مدد کی، لیکن دیمتروف نے اپنی برتری برقرار رکھی اور پھر سے سروس بریک کرکے دو سیٹ کی برتری حاصل کرلی۔
