نئی دہلی، 30 جنوری (یو این آئی) رائل رینجرز ایف سی نے ڈی ایس اے پریمیئر لیگ میں منگل کو ترون سنگھا کو 4-0 سے شکست دی۔رائل ایف سی کی طرف سے پلیئر آف دی میچ شیکھر، بھرنیو بنسل، وشواجیت جینا اور گورو چڈھا نے گول اسکور کئے۔ایک اور میچ میں فرینڈز یونائیٹڈ نے شاندار کھیل کا مظاہرہ کرتے ہوئے بھارتی فضائیہ سے اہم پوائنٹس چھین لیے۔ فرینڈز یونائیٹڈ نے فضائیہ کو شروع سے ہی نگرانی میں رکھا۔ اگرچہ دونوں ٹیموں کو مواقع ملے لیکن کمزور شوٹنگ اور دفاعی کھلاڑیوں کی بہتر کارکردگی کے باعث گول نہ ہو سکے۔ دوسری جانب رائل رینجرز نے آج کی جیت کے ساتھ پوائنٹس ٹیبل میں پہلی پوزیشن پر قبضہ جما لیا ہے۔آر رینجرز نے 15 میچ کھیل کر 30 پوائنٹس اکٹھے کر لیے ہیں۔ ترون سنگھا 17 میچوں میں صرف 10 پوائنٹس حاصل کر پائے ہیں۔ ایئر فورس کے 15 میچوں میں 20 پوائنٹس ہیں اور فرینڈز یونائیٹڈ کے 17 میچوں میں 24 پوائنٹس ہیں۔
