بھوپال:21 ؍جنوری:گورنر مسٹر منگو بھائی پٹیل نے گاؤں جامنی گرجر میں چراغ جلا کر ’’وکست بھارت سنکلپ یاترا‘‘ پروگرام کا افتتاح کیا۔ اس کے بعد قومی ترانے کی دھن پر پروگرام شروع ہوا۔ پروگرام میں وزیر اعظم مسٹرنریندر مودی کا پیغام دیکھا اور سنا گیا۔کھنڈوا ضلع کے گاؤں جامنی گرجر میں منعقدہ “وکست بھارت سنکلپ یاترا” پروگرام سے خطاب کرتے ہوئے گورنر مسٹر منگو بھائی پٹیل نے کہا کہ وکست بھارت سنکلپ یاترا” کا مقصد ان اہل استفادہ کنندگان کی نشاندہی کرنا ہے جو اس کے فوائد سے محروم ہیں۔ اگر وہ اسکیموں کا فائدہ حاصل کرنا چاہتے ہیں تو انہیں اس سے فائدہ اٹھانا ہوگا۔ انہوں نے کہا کہ وزیر اعظم مسٹر نریندر مودی نے ہر طبقے کا خیال رکھتے ہوئے اسکیمیں بنائی ہیں۔
