بھوپال:17؍نومبر:فیلڈ ڈائریکٹر پینچ ٹائیگر ریزرو سیونی مسٹر دیوا پرساد جے نے بتایا کہ اری بفر رینج کے کیمپ نمبر 188 میں گشت کے دوران عملے کو ایک شیر کا بچہ مردہ ملا۔ شیر کے بچے کے جسم کے تمام حصے محفوظ ہیں۔ مردہ بچے کی عمر تقریباً 4 ماہ ہے۔ انہوں نے کہا کہ شواہد تلاش کرنے کے لیے ملازمین اور ڈاگ اسکواڈ کی جانب سے علاقے کی گہرائی سے تلاشی لی جا رہی ہے۔فیلڈ ڈائریکٹر مسٹر دیوا پرساد جے نے بتایا کہ شیر کے بچے کا پوسٹ مارٹم این ٹی سی اے پروٹوکول کے مطابق کیا جائے گا۔ مردہ بچے کے اعضاء کے نمونے ہسٹوپیتھولوجیکل اور فرانزک ٹیسٹ کے لیے بھیجے جا رہے ہیں۔ پی ایم کی رپورٹ آنے کے بعد صورتحال کے بارے میں درست معلومات مل سکیں گی۔ معاملے کی مکمل چھان بین کی جا رہی ہے۔
