سورت (گجرات)ِ،22 دسمبر (یواین آئی ) ملک میں ہاکی کی نئی صلاحیتوں کو نکھارنے کے لیے تیسری ہاکی انڈیا جونیئر مینز اکیڈمی چیمپئن شپ 2025 کا باقاعدہ آغاز منگل سے ویر نرمدا جنوبی گجرات یونیورسٹی میں ہونے جا رہا ہے۔ اس باوقار ایونٹ میں ملک بھر کی 14 ممتاز ہاکی اکیڈمیاں حصہ لے رہی ہیں۔30 دسمبر تک جاری رہنے والی اس چیمپئن شپ میں شامل 14 ٹیموں کو چار مختلف پولز ( اے بی سی ڈی ) میں تقسیم کیا گیا ہے،پول اے: راؤنڈ گلاس پنجاب ہاکی کلب، چیما ہاکی اور آرمی بوائز اسپورٹس کمپنی۔پول بی: نامدھاری اسپورٹس، ریتو رانی ہاکی اور جائنٹس اسپورٹس۔پول سی: ایس جی پی سی ہاکی، اشونی اسپورٹس، ہاکی فیملی بڈھ خالصہ اور اسپورٹس اتھارٹی آف گجرات ہاکی اکیڈمی۔
پول ڈی: گھمن ہیڑا رائزر، بھائی بہلو ہاکی بھگتا، راجہ کرن ہاکی اور پریتم سواچ اسپورٹس فاؤنڈیشن۔تمام ٹیمیں اپنے اپنے پول میں راؤنڈ رابن فارمیٹ کے تحت کھیلیں گی۔ ہر پول کی فاتح ٹیم سیمی فائنل کے لیے کوالیفائی کرے گی۔پوائنٹس سسٹم: جیت پر 3 پوائنٹس، ڈرا پر 1 اور ہارنے کی صورت میں کوئی پوائنٹ نہیں ملے گا۔فائنل راؤنڈ: سیمی فائنل مقابلے 29 دسمبر کو کھیلے جائیں گے، جبکہ فائنل اور تیسری پوزیشن کا میچ 30 دسمبر کو منعقد ہوگا۔ہاکی انڈیا کے صدر ڈاکٹر دلیپ ٹرکی نے ٹورنامنٹ کی اہمیت پر زور دیتے ہوئے کہا:”یہ ہمارے یوتھ ڈویلپمنٹ پروگرام کا ایک اہم حصہ ہے۔ ایسے مقابلے نوجوان کھلاڑیوں کو مسابقتی ہاکی کی ضروریات سمجھنے اور قیمتی تجربہ حاصل کرنے میں مدد دیتے ہیں۔
