احمد آباد، 4 مارچ (یو این آئی) گجرات ٹائٹنز (جی ٹی) نے ٹاٹا آئی پی ایل 2025 سیزن کا آغاز کیا، جس کے لیے ٹکٹوں کی فروخت 5 مارچ سے شروع ہوگی۔گجرات ٹائٹنز کے سی او او کرنل ارویندر سنگھ نے منگل کے روز یہاں جاری بیان میں کہا، “ٹاٹا آئی پی ایل 2025 کے دھماکہ خیز سیزن کے لیے جوش وخروش کے ساتھ، گجرات ٹائٹنز (جی ٹی) دنیا کے سب سے بڑے اسٹیڈیم میں اپنے گھریلو میچوں کے شائقین اور ناظرین کا خیرمقدم کرتا ہے۔” گجرات فرنچائز نے اعلان کیا ہے کہ آن لائن ٹکٹس بدھ، 5 مارچ سے دستیاب ہو جائیں گے۔ ڈسٹرکٹ بائی زوماٹو آفیشل ٹکٹنگ پارٹنر ہے اور شائقین گجرات ٹائٹنز (جی ٹی) ایپ اور ڈسٹرکٹ ایپ پر آن لائن ٹکٹ خرید سکتے ہیں۔ٹکٹنگ کا پہلا مرحلہ آن لائن خریداری کے لیے دستیاب ہوگا، جہاں شائقین اور کھیلوں کے مداح اپنی مطلوبہ نشست تلاش کر سکیں گے۔ ٹیم ٹکٹ کی بکنگ کو بلا رکاوٹ بنانے کے لیے اقدامات کر رہی ہے اور جلد ہی آف لائن ٹکٹوں کی دستیابی کے بارے میں واضح اعلان کرے گی۔مسٹر سنگھ نے مزید کہا، “شائقین کسی بھی ٹیم کی ریڑھ کی ہڈی کی حیثیت رکھتے ہیں اور ان کو مکمل تجربہ فراہم کرنا ہماری ترجیح ہے۔ جب سے ہم نے اپنے ہوم اسٹیڈیم ‘نریندر مودی اسٹیڈیم’ میں کھیلنا شروع کیا ہے، ہم نے اس بات پر پوری توجہ دی ہے کہ ہم شائقین اور ناظرین کے لیے میچ دیکھنے کے تجربے کو کس طرح بہتر بنا سکتے ہیں۔ پچھلے سال، ہم نے 90 فیصد سے زیادہ ٹکٹس آن لائن خریدے اور انہیں گھر بیٹھے اپنے مداحوں تک پہنچایا۔چونکہ 2025 کا سیزن شروع ہونے والا ہے، ہم ملٹی ماڈل ٹکٹنگ سسٹم لے کر آئے ہیں جو ہمارے شائقین کو ٹکٹ حاصل کرنے سے لے کر اسٹیڈیم میں اپنا پر لطف وقت گزارنے تک اچھا تجربہ فراہم کرے گا۔ انہیں ٹکٹوں سے لے کر اسٹیڈیم کے اندر دیگر دلچسپ سرگرمیوں تک مرحلہ وار طریقے سے تمام ضروری سہولیات فراہم کی جائیں گی، تاکہ وہ بڑی تعداد میں آئیں اور اسٹیڈیم میں بہترین خوش آئند احساس” لے آئیں۔
