بنگلورو، 06 ستمبر (یواین آئی) دلیپ ٹرافی سیمی فائنل کے تیسرے دن ہفتہ کے روز ساؤتھ زون نارتھ زون کے خلاف مضبوط پوزیشن پر پہنچ گیا ہے۔ ساؤتھ زون نے 278 رنز پر نارتھ زون کی پانچ وکٹیں لے کر میچ پر قابو پالیا ہے۔ساؤتھ زون نے پہلی اننگز میں 536 رنز بنائے تھے۔ نارتھ زون کی جانب سے شبھم کھجوریا 245 گیندوں میں 20 چوکوں اور ایک چھکے کی مدد سے 128 رنز بنا کر کریز پر موجود ہیں اور پہلی اننگز میں نارتھ زون کی برتری حاصل کرنے کی امیدوں کو زندہ رکھے ہوئے ہیں۔ نشانت سندھو نے 148 گیندوں میں نو چوکوں اور ایک چھکے کی مدد سے 82 رنز بنائے۔ شبھم اور نشانت نے چوتھی وکٹ کے لیے 171 رنز کی بڑی شراکت داری کی۔ ساؤتھ زون کی جانب سے گرجپنیت سنگھ نے 67 رنز دے کر تین وکٹیں حاصل کیں اور ساؤتھ زون کو مضبوط پوزیشن میں پہنچا دیا۔
