بھوپال:17؍جون:صدرِ جمہوریہ محترمہ دروپدی مرمو 18 جون سے 22 جون تک پانچ روزہ مدھیہ پردیش کے دورے پر رہیں گی۔ اس دوران وہ اندور، بیتول، ضلع کھنڈوا کے شری اونکاریشور مندر، جبل پور، گوالیار اور شیوپور میں واقع کونو نیشنل پارک میں منعقد مختلف پروگراموں میں شرکت کریں گی۔ صدرِ جمہوریہ محترمہ دروپدی مرمو جمعرات، 18 جون کو اندور پہنچیں گی۔ اس کے بعد وہ بیتول میں برہما کماری ادارے کی جانب سے منعقدہ “ایمپاورمنٹ آف ٹرائبل سوسائٹی بائی اسپرچوئل اویکننگ” پروگرام میں شرکت کریں گی۔ ساتھ ہی شری اونکاریشور پہنچ کر مندر میں درشن اور آرتی میں شامل ہوں گی۔ جمعہ، 19 جون کو صدرِ جمہوریہ محترمہ دروپدی مرمو بین الاقوامی سِکل سیل ڈے کے موقع پر اونکاریشور میں منعقدہ پروگرام میں شرکت کریں گی۔
