نئی دہلی، 15 مئی (یو این آئی) کھیلو انڈیا یوتھ گیمز 2025 کے جمناسٹک مقابلوں میں چار تمغے جیت کر تاریخ رقم کرنے والی تلنگانہ کی نشیکا اگروال نے کہا کہ اپنے والدین کے تعاون اور سمجھ بوجھ سے انہیں کھیلوں میں حوصلہ ملا۔ 17 سالہ نشیکا نے کے آئی وائی جی 2025 میں دو طلائی اور دو کانسہ سمیت کل چار تمغے جیتے ہیں۔ انہوں نے آل راؤنڈ اور والٹنگ ٹیبل میں سونے کے تمغے جیتے، جب کہ انوایون بارس اور بیلنسنگ بیم میں کانسہ کے تمغے جیتے۔ روایتی طور پر کاروبار اور تعلیم سے جڑی اگروال کمیونٹی کے پس منظر سے آنے والی نشکا کے لیے کھیل کود کرنا ایک جرات مندانہ اقدام تھا۔ سائی میڈیا سے بات چیت کرتے ہوئےانہوں نے کہا، “ہماری اگروال کمیونٹی میں، لڑکیوں کو کھیلوں میں حصہ لینے کے لیے زیادہ حوصلہ افزائی نہیں ملتی۔ اگر میرے والدین کا تعاون اور سمجھ بوجھ نہ ہوتی تو میں آج یہاں نہ ہوتی۔ انہوں نے مجھے کبھی بھی کچھ کرنے سے نہیں روکا اور ہمیشہ میرا ساتھ دیا۔انہوں نے کہا، میں معاشرے کی سوچ پر کوئی فیصلہ نہیں دینا چاہتی، کیونکہ وقت کے ساتھ سب کچھ بدل جاتا ہے۔ اب مجھے لگتا ہے کہ حالات پہلے سے بہتر ہو گئے ہیں۔ آج بہت سے اگروال نوجوان کھیلوں میں آ رہے ہیں اور وہ بھی میری کارکردگی کو دیکھ کر حوصلہ مل رہا ہے۔ جب آپ کا تعاون اور عزم ہو تو کچھ بھی ناممکن نہیں ہے۔تلنگانہ کے گوڈیام اسکول میں 12ویں جماعت کی طالبہ نشیکا کہتی ہیں شروع میں میں نے جمناسٹک صرف تفریح کے لیے شروع کیا تھا کیونکہ میں بچپن سے ہی بہت متحرک تھی اور اسکول کی تمام سرگرمیوں میں حصہ لیتی تھی۔
