نئی دہلی،25 فروری (یواین آئی ) آئی سی سی ٹی 20 ورلڈ کپ 2026 میں انگلینڈ کے ہاتھوں دو وکٹوں سے شکست کے بعد پاکستانی ٹیم کا سیمی فائنل تک پہنچنے کا خواب خطرے میں پڑ گیا ہے۔ انگلینڈ نے اس کامیابی کے ساتھ سیمی فائنل کے لیے اپنی جگہ پکی کر لی ہے، جبکہ پاکستانی ٹیم کی تقدیر اب نہ صرف اپنی جیت بلکہ دوسری ٹیموں کے نتائج اور رن ریٹ کے پیچیدہ حساب کتاب سے مشروط ہو گئی ہے۔
گروپ 2 میں اس وقت ٹیموں کی پوزیشن کچھ یوں ہے:
انگلینڈ: 2 میچز، 4 پوائنٹس (کوالیفائی کر لیا)پاکستان: 2 میچز، 1 پوائنٹ۔نیوزی لینڈ: 1 میچ، 1 پوائنٹ۔سری لنکا: 1 میچ، 0 پوائنٹ۔
پاکستان 28 فروری کو اپنے آخری میچ میں سری لنکا کو ہر صورت شکست دینی ہوگی۔ نیوزی لینڈ اپنے بقیہ دونوں میچز (انگلینڈ اور سری لنکا کے خلاف) ہار جائے۔ اس صورت میں پاکستان 3 پوائنٹس کے ساتھ براہِ راست کوالیفائی کر جائے گا۔اگر انگلینڈ نیوزی لینڈ کو ہرا دے، لیکن نیوزی لینڈ سری لنکا کو ہرا دے، تو پاکستان اور نیوزی لینڈ دونوں کے 3، 3 پوائنٹس ہو جائیں گے۔ ایسی صورت میں سیمی فائنل کا فیصلہ نیٹ رن ریٹ پر ہوگا۔”پاکستان کے لیے اب ہر لمحہ قیمتی ہے؛ اسے نہ صرف سری لنکا کو بڑے مارجن سے ہرانا ہوگا بلکہ یہ دعا بھی کرنی ہوگی کہ انگلینڈ اور سری لنکا مل کر نیوزی لینڈ کا راستہ روک لیں۔پاکستان اپنا فیصلہ کن میچ 28 فروری کو سری لنکا کے خلاف کھیلے گا، جو ٹورنامنٹ میں اس کے مستقبل کا تعین کرے گا۔
