کوالالمپور، 27 جولائی (یواین آئی) ملائیشیا اور چین کے درمیان دو طرفہ تعلقات کی 51ویں سالگرہ کے موقع پر اتوار کو ملائیشیا کے صباح صوبے کے دارالحکومت کوٹا کنابالو میں 5,000 سے زائد شرکاء نےفرینڈشپ دوڑ میں حصہ لیا۔ ملائیشیا-چین دوستی ایسوسی ایشن صباح کی جانب سے منعقدہ یہ دوڑ صبح سے شروع ہوئی، جس میں مقامی برادریوں کے ساتھ ساتھ صباح میں زیر تعلیم چینی طلبہ اور چینی کمپنیوں کے ملازمین بھی شریک ہوئے۔ملائیشیا کے نوجوانوں اور کھیلوں کے وزیر ہننا یوہ تسو سوان نے کہا کہ ملائیشیا اور چین کے درمیان تبادلے پہلے ہی عوامی سطح پر، خاص طور پر نوجوانوں اور کھیلوں میں، اپنی بنیاد مضبوط کرچکے ہیں ۔ انہوں نے مزید کہا کہ اس طرح کے ایونٹس دونوں ممالک کے نوجوانوں کو مزید قریب لانے میں مدد دیتے ہیں۔کوٹا کنابالو میں چین کے قونصل جنرل ژو شنگ لونگ نے کہا کہ حالیہ برسوں میں چین-ملائیشیا تعلقات مسلسل مضبوط ہوئے ہیں اور دونوں ممالک کے عوام کے درمیان گہرے تبادلے بڑھے ہیں۔ ژو نے کہا، چین-ملائیشیا سفارتی تعلقات کی 51ویں سالگرہ کے موقع پر، اس ایونٹ کی خاص اہمیت ہے اور اسے دونوں فریقین سے زبردست حمایت اور پرجوش شرکت حاصل ہوئی ہے۔
مجھے یقین ہے کہ دونوں ممالک کے درمیان دوستی مزید گہری ہوگی۔
