لِورپول، 06 ستمبر (یو این آئی) ہندوستان کی اسٹار باکسر نِکھت زرین نے ہفتہ کے روز لِورپول میں ورلڈ باکسنگ چیمپئن شپ میں خواتین کے 51 کلوگرام وزن کے زمرے کے پہلے راؤنڈ میں شاندار فتح کے ساتھ بین الاقوامی اسٹیج پر اپنی واپسی کا اعلان کیا، جبکہ ٹوکیو اولمپکس کی کانسی کا تمغہ جیتنے والی لولینا بورگوہین کو خواتین کے 75 کلوگرام زمرے میں شکست کا سامنا کرنا پڑا۔29 سالہ نکھت ، جو پہلے دو بار ورلڈ چیمپئن رہ چکی ہیں اور اس سال کسی بھی بین الاقوامی مقابلے میں حصہ نہیں لیا تھا، نے اپنے کھیل میں کسی بھی کمی کو ظاہر نہیں ہونے دیا اور پہلے ہی منٹ سے امریکہ کی جینیفر لوزانو پر حاوی رہتے ہوئے 5-0 سے کامیابی حاصل کی۔
تاہم، ہفتے کا دن دیگر دو ہندوستانی کھلاڑیوں کے لیے زیادہ اچھا ثابت نہیں ہوا۔ ٹوکیو اولمپکس کی کانسی کی فاتح لولینا بورگوہین خواتین کے 75 کلوگرام زمرے کے دوسرے راؤنڈ میں ترکی کی کھلاڑی سے 0-5 سے ہار گئیں، جبکہ ہتیش گُلیا کی زبردست جدوجہد بھی مردوں کے 70 کلوگرام زمرے کے مقابلے میں نیدرلینڈز کے فِن رابرٹ بوس کے خلاف 1-4 سے شکست سے بچانے کے لیے کافی ثابت نہ ہو سکی۔ہندوستان نے ورلڈ باکسنگ — جو باکسنگ کے لیے حال ہی میں قائم کی گئی بین الاقوامی گورننگ باڈی ہے — کے زیر اہتمام منعقد ہو رہی پہلی ورلڈ چیمپئن شپ میں 20 رکنی دستہ اتارا ہے اور اپنے مہم کا شاندار آغاز کیا ہے۔
