ریو ڈی جنیرو، 3 مئی (یو این آئی) سینٹوس کے صدر مارسیلو ٹیکسیرا نے کہا کہ ان کا کلب نیمار کے معاہدے کو اگلے سال ہونے والے فیفا ورلڈ کپ تک بڑھانے کے لیے کام کر رہا ہے اگرچہ فارورڈ کھلاڑی کی انجری کے خدشات بنے ہوئے ہیں۔نیمار نے ایک دہائی سے زیادہ یورپ اور سعودی عرب میں رہنے کے بعد جنوری میں چھ ماہ کے معاہدے پر سینٹوس (اپنے بچپن کے کلب) میں شمولیت اختیار کی۔ٹیکسیرا نے کہا ’’ہمیں ایک تکنیکی طریقہ تلاش کرنا ہوگا تاکہ نیمار کی ری کوری اورمیدان پر ان کی موجودگی کی نگرانی کو اس طرح تبدیل کرسکیں کہ ان کے معاہدے کی تجدید اور اگلے سال ہونے والے ورلڈ کپ تک رہنے کے امکان بڑھ جائے۔‘‘نیمار گھٹنے گزشتہ اکتوبر میں کی گھٹنے کی انجری اور کھیل میں واپسی کے بعد سےہیمسٹرنگ کے مسائل سے دوچار ہیں جس کی وجہ سے وہ ایک سال سے زیادہ عرصے تک کھیل سے باہر رہے۔ 33 سالہ نوجوان نے سینٹوس کے ساتھ اپنے آخری دور میں صرف نو گیمز کھیلے، جس میں انہوں نے تین گول کیے اور مزید تین گول میں مدد گار ثابت ہوئے۔
سینٹوس کے صدر نے کہا کہ جب ہم نیمار کو واپس لائے تو ہم جانتے تھے کہ ان کی چوٹ کافی سنگین ہے۔ یہ جانتے ہوئے، ہم نے اپنا تمام عملہ نیمار کے لیے دستیاب کر دیا ہے اور انہیں ایک طبی سہولت فراہم کر رہے ہیں جس سے وہ مکمل صحت یاب ہو سکیں گے۔ وہ یہاں خوش ہیں۔ یہ ان کا گھر ہے۔‘‘سینٹوس اس وقت 20 ٹیموں پر مشتمل برازیلین سیری اے اسٹینڈنگ میں چھ گیمز میں چار پوائنٹس کے ساتھ 19 ویں نمبر پر ہیں۔
